Minister a confirma: Ta negociando cu Teo Croes

Recientemente 24ora.com a informa, den forma di primicia, cu ta negociando un acuerdo pa termina e relacion di trabou cu Teo Croes, Director di Arubus. Ta premira ch e luna aki ainda e acuerdo lo ta cla. Minister Chris Romero a confirma esey awe durante su encuentro cu prensa, pero a desmenti cu su amigo personal, Charles Vis, ta un candidato fuerte pa e funcion, aunke el a bisa cu “si ta asina mes, e ta un HTS’er y ta bon prepara pa e funcion”. E mandatario a bisa cu den pasado el a yega di anuncia caba cu lo bin cambio den varios departamento y Arubus ta un di nan. Riba e alegacion cu tin “conflicto di interes” den Arubus dor di tin casa di e Minister den Hunta di Supervision, e no a contesta ni argumenta.