Mini Arubaanse Kampioenschappen – Un exito rotundo!

300

Diasabra 9 di December a tuma lugar e competencia di Mini Arubaanse Kampioenschappen y tur atleta di Barracudas a participa. Mayornan y fanaticonan a yena e tribune di Pisina Olimpico Roly Bislik pa asina bin admira especialmente e test di figuranan di Beginners, unda pa prome biaha e “chikitonan” aki a demostra kiko nan a traha duro pe y siña den e ultimo luna nan. Tambe nan a hasi nan prome rutina y e publico a disfruta di esaki pa despues presencia e entregamento di medaya, tur medayista a briya.
E Beginners a landa e figuranan: Balletleg Alternate y Sommersault Back Pike. E resultadonan ta lo siguiente pa e categoria aki:
1e lugar: SANCHEZ, Naylani (BARRACUDAS) cu un total di 55.0000
2o lugar: TROMP, Camilla (BARRACUDAS) cu un total di 54.6250
3er lugar: MATHILDA, Emylaine (BARRACUDAS) cu un total di 54.2500
Den e categoria di 12&U a lande e figuranan: Straight Balletleg, Barracuda, Swan y Water Drop. Restultadonan ta lo siguiente:
1e lugar: MORALES, Mikayla (BARRACUDAS) cu un total di 59.2254
2o lugar: SILVA, Ambar (BARRACUDAS) cu un total di 57.4085
3er lugar: CARDONA, Sofia (BARRACUDAS) cu un total di 56.8356
Den e categoria di 13-15 a landa e figuranan: Ariana, Rio, Porpoise Continuous y Seagull. E figura di Seagull ta rekeri e atleta pa drumi plat ariba e awa, hasi un koprol pa robes, te ora cu ta cabes abou den e awa, despues ta hisa tur dos pia manteniendo e cabes bou awa y pianan straight den laira. Den un fraction di seconde ta hasi un split y trese e pianan bek na otro verticalmente y despues poco poco lo sac bai abou bek den e awa manteniendo e posicion aki.

Manera e figura aki tin varios cu ta exigi hopi di cada atleta pa por no solamente ehecute, pero ehecute cu un score halto (maximo 10). Asina por admira e seagull di Sara Silva cu a logra score un 7.0 pa e figura. Resultadonan pa e categoria di 13-15 ta lo siguiente:
1e lugar: SILVA, Sarah (BARRACUDAS) cu un total di 63.9403
2o lugar: TROMP, Avigayle (BARRACUDAS) cu un total di 57.8842
3er lugar: DIJKHUIZEN, Ariana (BARRACUDAS) cu un total di 56.8245
Den e categoria di Junior mester remarca cu nan no ta hasi competencia di figura, y den e competencia aki a landa solamente duet y e rutina di team. Cual por cierto tawata un rutina cu hopi liheres y emocion.

Barracudas Aruba kier a probecha di e momento aki pa desea pueblo di Aruba en general felis dianan di fiesta, particularmente nos atletanan cu ta dedica completamente na e deporte y mas cu claro e mayornan cu ta apoya nan yuinan den e bunita mundo di landamento artistico.

Ken nos ta?
Barracudas Aruba desde 1974 a introduci e comunidad di Aruba na e bunita deporte di landamento sincronisa (artistico) cu e meta principal pa brinda atletanan oportunidadnan pa desaroya y prepara nan mes den e deporte pa competencianan international. Den 2017 a introduci e opcion pa hasi landamento artistico pa recreacion, dunando shownan local un biaha pa aña. Tambe a habri e deporte pa mucha homber por participa mirando e desaroyo den e deporte internationalmente. Pa mas informacion por bishita nos riba Facebook @barracudas.aruba, Instagram Synchro Aruba of Website: www.barracudasaruba.com