Milton Ponson ta menasa pa lanta comunidad internacional contra Hulanda

E activista Milton Ponson di Rainbow Warriors International a manda un carta pa Conseho di Minister di Reino den cual e ta expresa su disgusto pa violacion di derechonan cometi door di Hulanda pa cu e islanan Hulandes den Caribe.

E ta papia di e exigencianan cu Hulanda a pone pa e islanan (Aruba, Corsou y Sint Maarten) a cumpli cu nan prome cu e reunion di 10 di juli na Hulanda. Tur esaki pa haya apoyo pa un prestamo den cuadro di e crisis Covid-19.

Ta papia di asombro di e organisacion cu ta exigi di e islanan pa tuma un decision den cuatro dia di tempo, sin consulta cu representantenan di pueblo di e islanan, y riba medidanan profundo, pone henter e isla ou di e control di “Regentenraad” di tres Hulandes Europeo.

Ta splica cu e organisacion di derecho humano pa basta aña ta traha pa combati corupcion, promove transparencia y integridad. Y cu loke ta exigi aworaki tanto “Tweede Kamer como Conseho di Minister di Reino” ta comete traicion na loke ta intencion y contenido di Statuut di Reino Hulandes.

Loader Loading…
EAD Logo Taking too long?

Reload Reload document
| Open Open in new tab

Download [70.24 KB]

Na mesun momento ta informa cu nan ta sinti nan mes obliga tuma medidanan adecuado contra e dos organonan Hulandes tanto na nivel di Nacionnan Uni como Union Europeo. Y esaki por encera apelacion na comunidad internacional pa pone presion den forma selectivo riba Hulanda y industria internacional y industria di exportacion. Y ta finalisa bisando cu e situacion den cual a maniobra e tres islanan cu un “last minute deal” ta hustifica e uzo di e terminologia “Islander Lives Matter”.