Un Biaha mas alumnonan di Maria Immaculata Lyceum ta bai presentá nan talentonan den un show ku ta hiba e titulo “MILshow: LAGA BAI”. Di e manera aki MIL ke duna mas balor na su talentonan den e forma di drama, kanto, baile i muziek.
MIL ta invita tur hoben i pueblo di Kòrsou kompletu pa bin disfruta di e presentashon humoristiko i alabes edukativo aki.
E show lo tuma luga djarason awor dia 4 di jüli, den Teatro Luna Blou 7or di anochi. Karchinan na balor di Fl. 25,- i specialmente pa alumnonan di MIL Fl. 15,- na skol. Karchi lo ta optenibel serka e elenko di MILshow, na hoofdingang di MIL i na porta di Teatro Luna Blou si sobra.
Pa mas informashon por bishita nos Facebook page “MILshow” of tuma kontakto ku Jordan Constancia na e number 513-9090.
MIL ta desea tur studiante i maestro di Korsou un felis dia di Bandera i alaves ke invita tur hoben ku nan mayornan pa bin habri nan fakansi gosando di e tremendo obra; Laga Bai!
