Milko Baiz: Situacion ta keda dificil tanten cu Venezuela no habri frontera

Consehero di Minister di Husticia, mr. Milko Baiz, a presenta awe tardi na Guarda Nos Costa despues cu tabatin disturbio entre e personanan cu ta wardando nan deportacion. Minister Bikker a pidi Baiz pa duna nan atencion y splica nan cu for di basta tempo ta haciendo tur cual cu ta posibel pa logra repatriacion di e personanan aki. Lamentablemente tin cierto complicacion y esaki mas tanto cu pais Venezuela.

Milko Baiz a scucha tur nan preocupacionnan inkietud y nan recomendacion y cu esaki a bay informa Minister Bikker pa asina traha hunto cu directiva di GNC pa evita mas di e tipo di manifestacionnan aki. Semper tin atencion pa GNC y ta haciendo tur loke ta posibel na e situacion. Si tin un situacion normal, e personanan aki lo a bay nan pais basta dia caba y tin di nan tin varios luna na GNC.

mr. Milko Baiz ta un ex-Inspector di Polis, cu despues a bira abogado pero cu e ultimo añanan ta ofrece servicio como Consehero di Minister Andin Bikker.

For di luna di April tabata traha pa logra e vuelonan pero lamentablemente no a logra ainda pero ta sigui traha riba dje. Pa logra un solucion ta departamento di Exterior y Ministerio di Exterior di Hulanda constantemente ta den deliberacion cu Canciyer y Gobierno Venezolano pa logra yega na un acuerdo pa e vuelonan di reparticion por tuma luga.