No solamente na Aruba pero na Hulanda tambe ta pensando riba e eventual uzo di militarnan, den caso cu mester yega na un Toque De Queda (TDQ) total, y evita cu hendenan ta subi caya.
Den un publicacion na Hulanda, a papia entre otro cu Secretario di Defensa Ank Bijleveld pa mira kico por ta e siguiente paso.
Di diferente relatonan publico, por lesa cu e pueblo ta puntra di con no ta uzando militarnan ainda. Aunke esaki no ta e caso, paden Ministerio di Defensa ta trahando pa tin suficiente material y persona disponibel den caso di problema. “Cu no ta mira militar, ta mustra positivo. SI nos ta riba caya ta pasobra e situacon a empeora,” tabata comentario di e Comandante di e Forsa Militar Admiral Rob Bauer.
Na Hulanda personal militar ta yudando di diferente forma, no necesariamente pa impone ordo pero di diferente otro forma. “Nos ta cla para, pa ora cu mester nos simplemente cuminsa di biaha,” Admiral Bauer a bisa.
Y ta aki ta cuminsa cu lesa cu Minister di Defensa Bijleveld a menciona pasonan concreto tuma. A menciona e 106 militarnan cu tabata na Merca pa ehercicio, a bay Aruba, unda nan ta den cuarentena. Si ta necesario, por haci uzo di nan, e mandatario a duna di conoce.
Tambe por nota cu Hulanda ta haci uzo di e experticio di e militarnan di funcion halto pa yuda den comisionnan nacional, unda cu nan ta yuda cu logistica y den sector di salubridad.
Militarnan ta entrena a traha den situacion di insiguridad, y esey ta husto loke mester awo cu e pueblo ta enfrentando un situacion cu nan mes no tin den nan mannan. Pero tambe por uza militarnan den diferente specialismo, manera tareanan di siguridad, maneha trucknan, pero tambe yuda den enfermeria.
Na Aruba no a menciona ainda si tin e documentonan prepara pa firma, den caso cu mester di nan ayudo. Inclusive e uzo di kazerne pa atende pashentnan.
