Militar Venezolano lo escolta tankeronan Iran

6666

Venezuela a bisa cu su militar naval y air force lo escolta e tankeronan di Iran yegando cu petroleo, despues cu Tehran a avisa di “consecuencianan” si Merca stop e barconan yega nan destinacion. Presidente Nicolas Maduro a bisa cu nan ta cla pa cualkier cos, na cualkier momento.

El a gradici “tur sosten” di e aliado di Medio Oriente den su confrontacion cu Merca. Venezuela tin e reserva di petroleo mas grandi di mundo, pero su capacidad di refina crudo den gasolin ta limita. Administracion Mericano di president Donald Trump a impone unilateral sancion dirigi pa termina exportacion di petroleo di Iran y Venezuela, ambos productornan di crudo. Tambe Washington a sanciona Venezuela y Iran individualmente.

Na comienso di april militar Mericano a bisa di pone mas barco di guera den awanan cerca di Venezuela, bisando cu tabatin un organisacion di crimen. Minister di Defensa, Vladimir Padrino Lopez, a bisa cu ora e barconan Iran drenta e zona economico – 200 miya di lama di costa – “nan lo ta bon bini” p’e barconan militar Venezolano.

Ni Maduro ni Padrino a bisa ki dia e barconan, segun prensa a reporta 5 y a sali for di Iran den ultimo dianan, lo yega. E petroleo di Iran ta yega na momento cu Venezuela ta enfrentando scarcedad di gasolin mirando cu e pais ta enfrentando e pandemia nobo Coronavirus.