Dialuna e Koninkrijke Marine tabata na Aruba unda a tene un vaardag cu Ms Zeeland demostrando nan capacidad. Desde aña pasa nan tin hopi mas cooperacion cu partnernan di cual tabatin hopi desaroyo den e ultimo añanan. Un di e cosnan ta cu a bin cu cierto asistencia militar. Na luga di warda pa ricibi cierto ordo for di Hulanda, awo tin lineanan mas cortico di cual via general de Windt di e Defensie Caribisch Gebied cu ta biba y traha na Corsou por tuma desicionnan riba e asistencia militar na Aruba.
Segun Canan Babayigi, Communicatieadviseur/Woordvoerder Defensie in het Caribisch gebied CZMCARIB, tin varios asistente militar cu ta bastante simpel. E prome ta un base di operacion di duik y cu nan team di specialistanan di duik por respalda e solicitud di autoridad local. Tambe nan tin drone cu capacidad y uza esaki pa controla areanan y cierto bahia pa trece esaki cerca Guarda Costa.
Tin areanan di observacion, loke ta nifica cu por haya nan den un area di militar pero tambe riba peticion di e pais na un costa. “Nos ta vigila tur cos y si nos mira algo sospechoso ta pasa nan na polis of guarda costa. Tambe nos tin capacidad di buskeda y extraccion.” Si tin un calamidad e moemnto ey of un caso cu mariniernan aki na Aruba y e ehercito na Corsou por yuda e autoridadnan local busca algo pa percura pa tin bon resultado, haya un hende perdi of por haya armanan.
“Ta bon pa mira tur hende bek. Como Reino Hulandes, nos tur tin e obligacion como defensa pa sigura cu tur isla den region apoya otro”, el a expresa. Un gran parti di esunnan den militar ta traha na Corsou, pero ta traha cu algun aki na Aruba. Esunnan cu ta abordo di Ms Zeeland lo conoce otro, pasobra tin ta nobo y mester duna cierto splicacion. Esaki ta un bon manera pa mustra kico nan tin di ofrece. Tabatin demostracion special di helicopter y invitadonan por a mira kico por haci, pero tambe e capacidad cu tin pa sostene e islanan di Reino Hulandes.
