Militar burachi a tuma hood di auto como su cama

Diadomingo rond di 3:15am, Polis pasando banda di Hooters Restaurant a nota un homber drumi riba un hood di auto. Polis a activa mesora, a resulta cu ta un miembro di nos Cuerpo Militar, cu nan base na Savaneta.

Durante cu a atende cune, a saca afor cu e tabata burachi. No obstante cu e ta un Militar, a mustre riba e consecuencianan di buracheria publico.

Polis a detene asina mes y a transporte pa Warda di Polis di Noord. Ey a yama Koninklijke Marechaussee pa tuma e Militar over y pa nan mes procese na nan base Militar na Savaneta.

Manera ta conoci, Militarnan activo riba nos isla no ta cay bou hurisdiccion regular manera tur ciudadano. E regimen Militar ta aplicabel pa nan, cu nan mesun sistema Policial y nan mesun Corte y cu nan mesun tipo di castigo.