Mikel Schreuders awe nochi ta competi den final di landamento

Aruba a biaha cu tres landado pa Weganan Panamericano, kendenan a duna bon resultado, pasando pa final. Esaki Nicole Hoevertsz, Secretario General di COI na Aruba y miembro den Comite Ehecutivo di COI (Internacional), a informa 24ora.com.
Tin tres landado cu a biaha pa Lima 2019 *Weganan Panamericano, y esun cu ta den un bon posicion aworaki ta Mikel Schreuders.

Diaranson caba tabata un dia historico ora cu Mikel y Patrick a logra clasifica pa final A. Nan ta scoge e miho 8 landadonan cu ta bay final A y e siguiente 8-nan (9 te cu 16) ta bay final B. Den final A ta otorga medaya mientras cu esnan competitiendo den final B ta logra mehora nan tempo. “Esaki pa cada landado ta hopi importante.”
Hoevertsz a conta ora cu dos landado di Aruba a clasifica final A y esaki ta algo grandi si mira cu Aruba ta un pais chikito competitiendo den un tereno cu hopi landado internacional (manera Merca, Canada, Mexico y Brasil). Nan ta logra clasifica cu por lo menos 2 landado. Mayoria biaha e paisnan aki ta coy tur e puestonan aki clasificando cu dos landado.

Mikel Schreuders awe nochi ta competi den final di landamento

Mikel Schreuders awe nochi ta competi den final di landamento. Click e link pa mas https://24ora.tv/2KzhHUx

Posted by 24ora on Thursday, August 8, 2019

“E hecho cu nos tin dos landado den final A ta algo hopi grandi. Pero awe diahuebs el a bira mas grandi pasobra Mikel, banda di e 50 meter freestyle y 100 meter free style, despues di e ronda preliminar, a logra finalisa cu e di tres miho tempo. Esaki ta pone den un posicion hopi bon pa e final di awe nochi. E ta haya un baan faborabel. Awe nochi sigur nos ta riba e tribuna pa apoy’e den 100 meter estilo liber.”
Hoeverstz a bisa cu inicialmente no tabatin expectativa mirando e cantidad grandi di landandonan, pero drentando final, tur e 8 finalistanan tin chens di gana. E otronan tin titulonan grandi tras di nan nomber caba y p’esey e ta un hecho grandi caba cu Mikel ta den e final. El a bisa cu e tempo logra no ta e miho tempo di Mikel, ya cu el a yega di realisa miho tempo. E perspectiva ta pa e logra un bon tempo pa logra un cupo den Wega Olimpico di Tokio di otro aña.

Mikel ta un landado hoben pero compitiendo pa basta aña caba. Scolnan di Merca ya caba a bin ta siguiendo e hoben aki, cu un etica di trabou hopi halto. Esaki ta hacie interesante pa scolnan na Merca y asina el a haya un beca na Missouri. Den competencia di su scol, el a logra titulonan importante, pero pa Aruba tambe el a logra gana medaya. El a competi recientemente den un competencia internacional na Korea. For di eynan el a biaha directamente pa Lima, Peru.
Patrick Schreuders y Ally Ponson, kendenan a clasifica B y tin chens pa mehora nan tempo. Ally net net a keda for di final A cu un diferencia di 0.09 seconde cu esun cu a keda na di 8 luga.

 

Comments

comments