Mike Eman preocupa cu dictadura di gobierno contra nos pueblo

Personal di DIP y tambe personal di DOW a presenta a Kiosko di Roke Wernet y su casa, instrui door di gobierno, a yega pa kita den e caso aki e trabaonan a cu a wordo haci pa proteha e kiosco aki, despues di hopi bagamunderia cu tabata tin.

Nan ta bringando hunto cu abogadonan ainda awe. Trabaonan aparentemente ta para. Por a mira cu tabata tin personal di DIP y DOW den cercania.

Mike Eman preocupa contra dictadura di gobierno contra nos pueblo

Posted by 24ora on Wednesday, September 11, 2019

Lider di partido AVP, Mike Eman, a preocupa ora el a tuma nota di abusonan cu a tuma luga contra nos pueblo. Ya for di algun dia pasa na Alto Vista, a distrui propiedad di casi 100 aña di un famia. Nan a caba ey y a hala bay beach y tur ta bisa cu ta instruccion a haya di gobierno, pa bin causa e destruccionnan aki y kibra loke nan a construi.

Ex prome minister a presenta na e kiosco di Roke Wernet pa asina mustra su sosten. E ta conta cu a sigui di cerca e desaroyo rond di e caso aki.

Diamars anochi Eman tabata tin combersacion cu sra. Wernet riba kico nan ta spera cu lo a tuma luga y a kere cu una bes cu tin e caso dilanti di corte, cu normal lo ta cu minister lo warda riba e veredicto di corte.

Sigur si mira e construccion a wordo pidi un permiso p’e na november y por mira tambe cu e no ta un construccion cu ta rebaha e area. E ta un construccion hopi costoso di aluminium. Un cos caba y bunita. Por ta e no tin e permisonan pero a pidi’e di november aña pasa.

Locual cu ta haya hopi doloroso ta, cu tur e casonan aki, tin mas un holo di persecusion politico cu un maneho estricto.

Nos conoce asina hopi area na Aruba caminda cu tin e tipo di bijbouw of otronan cu a inicia proyectonan cu sa cu tin toch discusion cu DOW riba dje y toch ta mira cu no ta acto di forma aki.

Algun dia pasa, un comerciante cu ta hopi critico den e dianan aki, a haya e tipo di bishita aki di DOW. Por mira e caso aki tambe un poco den e luz ey. Esey ta preocupante. No mag ta asina cu pa motibo di ley, ta pone ordo, bo construccion no ta cumpli cu por ta e debernan, e leynan, e ora bo tin cu trek e liña pa tur hende. Sa cu esey no ta tumando luga. Ta pidi algun hende caminda cu ta tuma e medidanan aki y no ta aplica un regla general. E tin un tinte di persecusion politico cu ta tumando luga.

Evidencia final di esey cu ora ta insisti di kibra un cos, mientras cu sa cu pa atardi tin un caso den corte. Den un sistema di estado di derecho, minimalmente ta duna corte y e hues e respet pa e caso cu ta bin su dilanti. No por kibra un cos sabiendo cu tin e caso den corte.

Sikiera warda un dia mas pa haya veredicto di corte, of tin miedo cu e caso no ta sali na su fabor cu ta dicidi di bay kibra algo mientras cu por warda algun ora.

Comments

comments