“Evelyn Wever Croes a castiga nos pueblo cu medida pa no haya aanwijzing di Hulanda y awor a haya un “voorwaardelijke aanwijzing” cu cual ta bai castiga nos  pueblo ainda mas. Den nos tempo nos a enfrenta Rutte luchando cu alma y curpa pa no asota nos Pueblo cu medida y awe nos mester lucha uni atrobe pa Salba Aruba di e goberancion aki cu ta masacra Pueblo creando pobresa y miseria y ruinando patrimonionan nacional pa financia probecho di amigo y famianan. Ban uni hunto pa para mas abuso di nos Pueblo”, esaki ta e promer reaccion di ExPromer Minister Mike Eman y lider di AVP riba rednan social despues cu Gobierno a anuncia cu KB a worde suspendi te cu Januari dependiente di Presupuesto 2020.

Eman: Den e declaracionan acompaña pa e anuncio di gobierno por mira hopi cla cu mas medida ta warda nos Pueblo. E momento aki no ta uno di apelacion riba un color politico, pero di mira den locual nos tin awe un fenomeno cu a toca nos cu NO ta normal. E nunca mag bira e standardnan di nos gobernacion. E nunca mag di bira e nivel di midi di e Pueblo y e Pais aki. E trabao di remplace ta urgente. Un apelacion riba tur gremio y ciudadano di nos Pais laga nos uni den recobra e destino di nos Pueblo y Pais.

 

Comments

comments