Mike Eman (AVP): Banco Central a confirma cu Aruba a cay den un recesion

Pa algun luna lider di AVP, Mike Eman a anuncia diferente desaroyo no positivo pa nos isla. Esaki e ta prueba su mes cu cifranan cu e ta pone di Banco Central y a premira diferente cos, segun e cifranan tabata sali cada tanto luna.

Tur loke el a pronostica, ta resulta di ta e caso, mirando e situacion cu ta birando mas y mas malo cada dia pa nos isla.

Eman a reacciona como lider politico, cu mas sosten di voto den comunidad, pasobra e ta preocupa. E ta sigui e desaroyonan aki di cerca, y e ta cana den pueblo y ta sinti kico ta pasando.

Mike Eman: Ultimo cifranan di Banco Central ta mustra cu Aruba ta den un recesion

Mike Eman: Ultimo cifranan di Banco Central ta mustra cu Aruba ta den un recesion. Click e link pa mas https://24ora.tv/2Pei3SJ

Posted by 24ora on Wednesday, December 4, 2019

Eman a splica diaranson atardi cu nan a ricibi un rapport reciente cu a Sali. Ta trata di e outlook mas reciente di Banco Central y e preocupacion grandi cu Banco Central ta analisa den e cifranan aki. Nan ta revisa e cifranan di crecemento economico cu nan a pronostica na comienso di aña, caminda ya caba tabata tin pronostico di un crecemento hopi margina di 0.9% y Banco Central awe a revisa e cifra aki y a pone cu e realidad di 2019 ta cu nos ta na -0.7%. Den cifra y teorianan economico, na momento cu ta cay bao di 0%, bo pais a drenta recesion y cu e outlook aki, Banco Central ta confirma cu nos a cay den un recesion. Esaki ta algo sumamente negativo pa e desaroyo economico di nos pais y ta locual ta wordo sinti tambe den nos comunidad, Eman ta bisa den su declaracion.

E cifranan di inversion cu tabata pronostica no a cristalisa manera cu a anticipa. E export tampoco a realisa e metanan cu tabata tin poni of e assumptionnan cu a wordo haci pa 2019 y esaki ta mustra tambe for di e cifranan di consumo.

Mas leu Banco Central ta analisa kico a impacta negativamente e pronosticonan anterior cu tabata tin cu awor Aruba a cay den un recesion.

Banco Central ta bisa cu e medidanan cu a introduci, a haci un impacto hopi grandi riba e poder di compra di nos conciudadanonan, afecta e consumo di e poblacion y ta mas cu logico, mirando con e prijsnan a subi.