Mike de Meza y Michael Williams a topa na San Nicolas

Diahuebs anochi Michael Williams y Mike de Meza a topa na San Nicolas. Ultimo simannan Michael Williams di Grupo di 7 ta basta activo cuestionando su mesun gobierno cu el a pone.“Walk Your Talk” ta loke Michael Williams ta manda constantemente den dirección di e gobierno na mando. E prome atake di Michael Williams ta ora cu a ripara con e gobierno actual y principalmente MEP a dal un buelta di 180 grado pa lucha pa mantene e refineria habri. Algo cu den opocision tabata manera un cabay di campaña pa MEP. Además Michael Williams di Grupo di 7 a bisa tambe cu e lucha hiba tabata pa un cambio.

Awe nan no ta mira e cambio. Hasta a constata cu ta Otmar ta lidera e gabinete. Mas Miembro di Grupo di 7 tambe a expresa esaki.  Henter siman Michael Williams ta un dolor pa gobierno. Prome Minister Evelyn Croes vía e radio liga na gobierno a haye cu e pregunta y acusación di Michael Williams. El a contesta. Tambe Otmar Oduber a expresa su mes den mesun Radio emisora.  Después cu cada mandatario a papia, Michael Williams tambe a yama mesora y expresa su mes contradiciendo e dos mandatarionan y keda para fuerte riba su punto. Palabranan di Michael Williams ta cu e gobierno mester haci loke el a bisa den opocision.

Esaki no ta e cambio cu nan a priminti y Grupo di 7 y Michael Williams ningun hende ta cumpre. Ta wordo bisa cu Michael Williams ta rabia Pasobra e no a haya Chupa bebbe. E no mester Chupa Bebbe y ta para pa integridad según Michael Williams. Tur tempo durante campaña a mira cu tur Mepista tabata para tras di Michael Williams pasobra e tabata fuerte contra AVP. Awe cu e ta cuestiona MEP el a bira manera e target di Atake pa Mepistanan. Nada lo  stroba Michael Williams di keda para pa su puntonan. E ta cuestionando fuertemente Otmar Oduber su maneho duduso relaciona cu casnan social. Na Radio Michael Williams a bisa cu e lo busca Mike de Meza tambe pa haya algún información mas rond di refineria. Pesey mes Diahuebs anochi berdad nan a topa y a papia oranan largo riba temanan di interes. Mike de Meza tabata e motor pa awe Citgo ta presente na Aruba den proceso pa rehabilita e refineria. Hopi of mayoria di hende na Aruba y San Nicolas kier mira e refineria cuminsa draai. Algo cu MEP tambe tabata expresa Prome cu eleccion y awe ta haci comosifuera cu e refineria no tin balor mas. Esaki ta algo cu Grupo di 7 lo no laga bay sin más. Esaki ta un foto di Michael Williams den encuentro cu Mike de Meza. Michael Williams a laga sa cu Ainda Falta y e lo ta critico pa garantiza cu e gobierno na mando cumplí cu loke a wordo priminti durante campaña.