Miguel Mansur (ACCION21): Presupuesto di Infrastructura publico ta carece di prioridad

19 January, 2023, 7:00 pm

Parlamento a trata e Fondo pa mehora infrastructura publico, unda prome minister como e ehecutivonan di DOW tabata presente. A papia riba e placa cu DOW mester di dje pa por drecha e careteranan di Aruba.

Fraccion ACCION21 den pasado a trece dilanti loke nan a yega di puntra director di DOW riba e suma cu mester pa actualisa e mantencion e careteranan di Aruba. Miguel Mansur, lider di fraccion ACCION21, a splica cu un biaha e director a trece dilanti na parlamento dje e suma di 350 miyon florin. El a indica cu no ta presupuesta ni cerca di e suma ey.

A trece e punto dilanti cu gobierno haya entrada di bende number di auto un 30 pa 40 miyon florin pa aña. Aña pasa caba, segun Mansur, nan a pidi y boga pa DOW haci uzo dje suma ey na e mantencion di caretera, pero no ta mira esey. Un otro punto dilanti ta con DOW ta priorisa ki caminda nan ta bay pone asfalt. Ta spera cu hospital, instalacion medico ta prome, despues e scol- y casnan di anciano. Un parlamentario a trece dilanti cu e caminda banda di sede di MEP ta un prioridad pa asfalta. Pero Mansur a indica ora e bay Noord pa hiba su yiu, e caminda no ta asfalta y ta caminda di santo.

Den un estudio cientifico di ACCION21, Noord ta e districto cu mas infrastructura falta. Tambe el a remarca e recap di asfalt, cual tin dos proyecto pariba di brug compara cu diesnuebe pabou di brug. Tin un ekilibrio grandi den inversion di infrastructura. Pariba di brug y pabou di brug, Mansur a puntra cuanto edificio di gobierno bashi tin y e plan riba esey.

Pa mas lesa TREMPAN.COM.