Diabierna e noticia di aumento di prijs di awa y coriente a cay como un baño di awa friu p’e comunidad, despues cu e prome biaha di a tende esaki prome minister a bisa di no sa nada di aumento di tarifa di awa. Accion21 a reacciona riba e aumento di awa y coriente.
Miguel Mansur, lider di fraccion Accion21, a bisa despues di a nota e aumento drastico den prijs di awa y coriente, di cual e parti di esey nan sa cu tabata inevitabel. Parlamento a haya un presentacion di WEB e tempo ey. E parlamentario a ripara cu e cambio di tarifa ta mas extremo cu nan a presenta na parlamento. El a ripara di biaha cu e tarifa maximo residencial ta riba esun comercial. E ta contra e plannan cu nan mes tabatin. Mansur ta kere cu gobierno lo a mete.
Esaki ta un golpi duro pa pueblo, pero Accion21 ta prefera mira con pa baha gasto na WEB y Elmar por ehempel cu e mesun persona por controla meter. E kiermen busca sinergia entre e dos empresanan, sea ta bin den accounting of cobramento, kisas baha nan salario p’e gastonan ta minimo, aumento di prijs mester ta minimo. Cu mester bin aumento den prijs si, pasobra si no nan placa ta caba pa october y nan no tin pa cumpra combustibel. E aumento cu ta bini ta uno hopi grandi y drastico. E ta bay hinca hopi famia den problema.
Pa mas lesa TREMPAN.COM.
