Recientemente Migracion Aruba a hunga un wega amistoso di futbol contra e seccion di control di frontera di Cuerpo Policial Aruba y tambe contra Koninklijke Marechaussee.
Despues di basta dia ta reta otro, e gran anochi pa skop bala a yega. Por bisa cu Migracion Aruba a mustra Grenspolitie/KMAR ta con ta raspa, tene, kita y anota gol. A gana Polis y Marechaussee cu score di 9-5.
Migracion Aruba a dedica e wega amistoso aki na nan colega Robert Kelly, cu a batisa e uniform di futbol hunto cu Andrew Hoo. Tambe a entrega un detaye chikito na Robert Kelly como recuerdo.
