Miembronan di MEP mester un vacuna contra mentira segun Marlon Sneek di AVP

121

AVP a corta un mentira cu ta bay rond durante nan conferencia di prensa semanal. E mentira aki ta di partido MEP. Ta spera cu for di Departamento di Salud Publico por haya un vacuna contra mentira pa por duna un enter a tur e miembronan di MEP, pasobra tur a cuminsa pega cu e malesa. Ta di lamenta.

Sneek a splica cu AVP ta un partido politico serio. Ora hendenan eyfo ta papia cu politiconan ta gaña. ta pavia di tipo di hendenan aki di MEP cu ta djis tira mentira, lansa mentira pa loco, simplemente pa logra haya voto y sin bisa comunidad e berdad. Por a mira sr. Dangui Oduber a presenta un bunita rendering di kico supuestamente e lo kier haci cu Bushiri Hotel, kico e lo kier haci cu e area eybanda y despues, den e rueda di prensa aki tambe el a bisa cu supuestamente gobierno lo a horta su idea.

Por ripara cu el a ripara cu el a bisa algo incorecto pasobra riba su facebook, el a corta e pida eynan. No ta scuche ta papia eynan. Pero pa su mala suerte, AVP tabata tin su grabacion.

Tin un articulo publica dia 8 di Februari, bisando cu prome minister di Aruba a duna un declaracion y a pone tambe riba facebook, door di Telearuba, caminda saliendo for di un ministerraad, prome minister a duna e informacion kico lo bay pasa cu e area aki. Esaki ta e articulo cu ta papia di e area aki, loke ta di pasa cune, entre otro papia di un luga pa haci beach tennis, beach soccer, espacionan publico, caminda pueblo por bay haci uzo di e beach, parkeo y awor aki sr. Oduber ta bin papia di cuenta cu a horta su idea.

Un biaha mas mentira.

Den e mesun rosea el a bolbe lansa un mentira, bisando of door cu e no sa bin traha, no sa kico ta pasa den parlamento, e ta bisa cu Parlamento ta bay cu reces y cu no lo tin un ley pa por benta e edificio abao. Kiermen gaña gobierno ta gaña.

Sneek a presenta un copia di medionan di comunicacion durante e conferencia y a splica cu dia 10 di Mei tabata cla poni na DOW. Tur esnan interesa por a busca e bestek aki y dia 15 di Juni ultimo, tabata e ultimo dia cu mester a entrega e caso aki e bidding pa mira si ta interesa pa haci e trabao y den e dianan nos dilanti lo bay tende ken ta esun cu a haya of a gana e bidding pa haci e sloopwerk na Bushiri.

Un biaha mas, sin informa su mes, djis tira para pa purba di gana voto y esaki sigur no por sigui asina.

Awendia cu tur e medionan digital cu tin, cu Google, ta hinca bo ta hinca palabra Bushiri Hotel Aruba y e ta bisabo tur loke tin riba esaki y di biaha ta haya e mentiranan aki cu ta bay rond. Ta di lamenta ora cu politiconan ta actua di e forma aki. Ta busca manera di score politicamente, pero no door di bisa cosnan manera cu nan ta. No di papia berdad, sino di lansa un cantidad di meintra, simplemente pa haya bo voto. Un biaha mas e ta importante pa cada un di e nos keda serio den e trabao, sino un biaha mas bo ta haya e stempel cu politiconan ta gañadi, pasobra tin tipo di hendenan aki ta bay rond y gaña comunidad, djis pa yega na poder.

Loke cu sr. Oduber tin cu bisa cu e rendering na hotel cu e ta presenta, tin cu bisa ta ken ta esun cu el a combersa cun’e caba pa por traha un hotel eynan, si no ta esun cu ta poniendo placa den su campaña. Por ta e persona el a priminti cu lo bay yud’e cu e tereno aki pa hotel, segun Marlon Sneek.