Michelle de Groot di ATIA: Comercio lo no soporta un di dos lockdown

867

E situacion alarmante di e cantidad di casonan di Covid-19 bou di e poblacion ta motibo di preocupacion na tur skina di Aruba. For di e homber chikito te na organisacionnan manera Aruba Trade & Industry Association (ATIA).

Awe Aruba ta conta cu mas di 1500 caso positivo y mas cu 20 persona a fayece a causa di Covid-19. Cifra cu a subi di forma alarmante despues cu a kita e medidanan y a habri porta di Aruba. “Ta hopi preocupante e rumbo cu nos ta bayendo pa loke ta e parti di salud. Hopi hende no ta realisa e impacto grandi cu esaki tin riba salud publico, e capacidad di hospital (tur hende cu mester di cuido medico).

Michelle de Groot di ATIA: Comercio lo no soporta un di dos lockdown

Michelle de Groot di ATIA: Comercio lo no soporta un di dos lockdown

Posted by 24ora on Wednesday, September 16, 2020

Pero turistanan tambe ta bay pensa tres bes prome cu dicidi di bishita Aruba. E tin su efecto economico tambe,” Michelle de Groot, directora di ATIA, a comenta. Na momento cu e prome lockdown a finalisa, Aruba tabatin 3 caso di fayecimento y 103 caso positivo. SI haci un comparacion cu e cifranan actual, por mira cu esakinan a subi rapidamente den dos luna di tempo.

ATIA ta concentra riba e parti economico, aunke e parti di salud tambe tin nan preocupa. Un lockdown lo ta devastador pa comercio. “E prome biaha caba tabata hopi duro, y un di dos biaha lo caba cu hopi compania. Si e pandemia sigui asina, of empeora nos por a compronde cu esey ta un opcion riba mesa. Pero e lo ta devastador pa hopi compania.”

Aworaki ATIA ta confia cu tur esnan cu ta forma parti di e crisisteam Covid-19 tin tur e conocemento pa atende cu tur aspecto cu tin di haber cu e crisis.