Grupo di 7 ta disgusta cu henter e situacion di gobernacion. Tur tempo tabata critico riba tur punto. No solamente awo, den e gobernacion aki, sino den e gobernacion anterior tambe.
Nan ta preocupa keto bay cu desaroyonan cu ta tuma luga riba Aruba. Diaranson mainta, nan tabata dilanti di e edificio cu Serlimar ta huur na Pos Chikito y Michael Williams, un di e miembronan di e Grupo 7, a expresa cu a cuminsa sende e mecha di e grupo.
A dicidi pa un accion relampago. Dilanti di e edificio di Serlimar a tene un accion di firma pa habri e edificio. Aki tabata tin un manifestacion y awo Grupo di 7 a bin para pa asina duna pueblo di conoce kico ta e plannan, cuanto e lo costa pueblo, loke e gobierno cu nos mes a vota p’e, cu a bisa cu nan ta trece un cambio. Awe por mira e tipo di cambio.
Por mira amigonan ta wordo fortaleci cu huurmento di un edificio sin cu nada no ta pasa. Bo ta mira stickernan na grandi pega, cu ta bisa “nos si por”. Kiermen POR ta manda y POR ta dicidi kico ta pasa eynan, den e gobierno aki. Kier bisa tambe, Grupo di 7 ta para pa un cambio. Grupo di 7 kier a mira un cambio, pero un cambio pa pueblo di berdad, no unda cu ta mira, cu esnan cu awor aki ta ma mando, un minister cu ta haci y deshaci, cu ta cobra pueblo lo demas y kier pa su compinchinan yena nan saco cu cantidad di placa. Cantidad di nos Arubianonan cu tin heavy equipment, cu tin truck, cu tin chubato ta para na cas ta frustia manera hero bieu.
Tambe un kliek, un cabayero cu no sa nada di Heavy Equipment, cu no sa nada di trabao, ta haya delaster un trabao riba Sero Tijshi, delaster trabao riba dump. Esaki no ta cambio, segun Williams.
Esaki ta pio cu Friends & Family. Esaki ta ladronicia, corupcion. E ta sigui menciona cu den casonan anterior cu e minister kier a purba di defende su mes, Grupo di 7 a presenta pa cuminsa mustra gobierno riba su foutnan, riba e corupcion habri, sin miedo, cu a bay eleccion y awe ta mira un desaster.
E otro miembronan di Grupo di 7 kier splica pueblo cu nan ta disgusta, pasobra nan ta mira cu e gobierno cu a bisa cu nan si ta di pueblo, nan si ta bay traha pa pueblo, awe bo ta mira cu no tin respet, nan no ta tende di pueblo, nan no a tene cuenta cu e bario cu a bisa cu nan ta contra, cu nan a firma pa bisa cu nan ta contra.
