Michael Lampe di Datapanik: Soño Arubiano ta un reflexion di nos isla

788

E cantica “Soño Arubiano” ta un single nobo di Michael Lampe & Datapanik. E autor di e cantica aki ta Michael Lampe, kende tabata hopi inspira riba reflexion di e momentonan cu Aruba ta pasa aden. Pero tambe e ta refleha kico ta e soño Arubiano, kico e hendenan kier p’e isla, con turismo ta carga e isla.

Esaki ta forma un parti esencial di e bida na Aruba y ta mustra cu ta bende un paraiso. Lampe ta puntra si esaki ta un paraiso pa esnan cu ta biba riba e isla. Den e video y cantica, e ta comparti hopi di su bida personal, su experiencia di e isla pero na mes momento ta comparti e sentimento cu hende mester tin pa carga e isla.

Segun Lampe, hopi biaha como Rubiano den bon of malo semper ta bisa di tin fe den e isla. Ta kere cu e video y cantica ta asina relevante, unda e coro di muchanan Tuti Fruti a bin aden y ta sali carga e isla den curason. E artwork ta man di mama y yiu homber di Michael Lampe, pa representa e generacion grandi te esun nobo. Nan ta wanta e mata di coco di Aruba, un producto cu ta bende, santo blanco y bisti un renchi di oro representa e leon di Aruba su escudo. Tambe na mes momento esaki ta representa e relacion cu tin cu Hulanda y Reino, el a expresa.

E cantica aki ta e prome release di Data label y cu colebarcion di Sonny Publishing. Mundialmente a lansa e cantica y a haci uzo di diferente plataforma. Michael Lampe ta gradici tur hende cu a colabora den e proyecto aki, pero tambe Armando Goedgedrag cu a pinta e artwork