MHMG cu lansamento di nan album nobo: Cunukero

Recientemente Miguel Maduro, conoci como Miguel XX hunto cu MHMG a presenta nan produccion nobo cual ta Cunukero. Den un evento na Indoor Cunucu na Maggy’s Mainstreet, a presenta nan album nobo cu yama Cunukero.

Miguel XX a conta cu riba e album aki aki tin cinco cancion. Tur ta crioyo vibe, p’esey a yam’e Cunukero, demostrando e saus di Aruba, manera wiri, cuarta, etc. Cada cantica a keda componi pa varios di e integrantenan di MHMG, manera Miguel XX, Naliel y tambe Jonah. DJ Ross a traha beat. Tin un otro cancion cu ta feature Dongo. Esey Brandon Diaz a yuda cu e beat. Radionan ta tocando e cancionnan caba y hendenan ta bezig ta demostrando nan sosten manera cu nan a spera.

MHMG cu lansamento di nan album nobo: Cunukero

MHMG cu lansamento di nan album nobo: Cunukero. Click link pa mas https://24ora.tv/2XzlGcR

Posted by 24ora on Monday, July 8, 2019

Miguel XX a splica cu e cancion na Papiamento mes, Corsou a bay riba dje, door cu e caha di orgel mes ta di Corsou. Eynan caba nan a cuminsa haya feedback di artistanan di afo. Nan ta cinco integrante di MHMG, Jonah, Naliel, Professor, Miguel XX mes y Rebel. Nan tin un producer, un beatmaker, etc. Un grupo basta grandi cu ta purbando pa yega na algo grandi na Aruba.

MHMG tabata tin hopi presentacion, entre otro na Coekie’s Cause na Do It Center. Tambe nan a presenta varios caminda. Awo nan a haci un release party, y a pensa di bay na Indoor Cunucu, pa haci algo leuk pa hendenan cuminsa bin y wak kico nan ta bezig cun’e.

Pa loke ta videoclips, ya caba ta bezig ta brainstorm den studio, entre otro busca hende, busca location, etc. Tur cos ta riba nan mes. Aunke cu ta low budget, toch kier mantene profesional, batiendo na porta pa asina mira ken kier yuda den esaki.

Ta gradici varios persona pa yuda pa concretisa e soño aki. Entro nan famianan, na tur esnan cu a kere den nan, e DJ y radionan cu ta kere den nan y toca nan cancionnan. Na final di dia nan ta keda motiva nan pa sigui cu nan soño.