Pa loke ta number di auto 2021, tin actualmente 89.489 number registra y ta aumenta cada aña.
Segun vocero di DIMP, Meverly Romano, por ta pa otro aña por yega na mas di 90 mil number registra. N’e momentonan aki tin 81% di e cantidad aki cu a haci pago completo, pa loke ta e belasting 2021, cual ta 72.373 number cu tin pago riba nan.
Departamento di Impuesto satisfecho cu esey. Una bes cu pasa 80% por bisa cu ta den bon caminda.
Algun siman pasa tabata na 22% di non-compliance, awor aki esaki a bira 16%. Tin 81% di e cantidad di number registra cu si tin pago riba dje. E personanan a cumpli cu e pago di belasting di ful e aña.
Esunnan cu no a cumpli, sea cu nan a paga mita aña so of no a paga nada mes pa 2021, ta representa 16%. Esaki ta un total di 14.377 number cu no tin pago. Den e suma aki, e categoria di mas grandi di incumplimento ta den categoria di plachi A, cual ta 12.355 plachi A cu e bleasting no ta na ordo pa aña 2021.
Pa un cobertura mas amplio lesa e edicion di TREMPAN di mañan.