Departamento Meteorologico di Aruba tin hopi atencion riba depresionnan nr. 8 y 9 cu a forma den e parti oost-zuidoost di islanan Cabo Verde y parti oost di Oceano Atlantico, respectivamente.
Pa e depresion tropical nr. 8, ta un “potential tropical cyclone eight”. E sistema aki a sigui desaroya den curso di atardi. E sistema ta move west riba awanan oost di Atlantico.
Pa loke ta depresion tropical nr. 9, esey a forma awe tardi for di un ola tropical bon desaroya, den parti oost di oceano Atlantico. E sistema ta situa na 2820 km oost di islanan ariba y na e momentonan aki e ta stacionario pero lo cuminsa move west durante proximo dianan.
Pronostico di tempo
Pa awe nochi, shelo lo ta levemente te parcialmente nubla y generalmente seco den marduga y mañan, shelo lo ta parcialmente nubla cu localmente un awasero breve.
Temperatura maximo 33 grado Celsius y temperatura minimo 28 grado Celsius.
Solo lo baha awe nochi 06:46 pm y lo sali mañan mainta 06:29 am.
Biento: modera te basta fuerte for di direccion generalmente oost;
Forsa 4 te 5 (20 te 39 km/ora, 11 te 21 nudo).
Den dia fuerte te posiblemente duro den rafaga;
Forsa 6 te 7 (40 te 55 km/ora, 22 te 30 nudo)
Situacion general di tempo:
Den proximo 24 ora humedad disponibel den nivelnan mas abou y mediano di atmosfera lo pone cu temporalmente mas nubia por pasa den region local. Motibo pa cual por spera principalmente den oranan di marduga y mainta localmente un awasero breve.
Condicion di lama:
Olanan di lama lo ta for di direccion oost cu haltura di 3 te localmente 6 pia cu e olanan di mas halto na costanan oost, noordoost te noordwest di e isla. Labaderanan modera biniendo for di noordoost, produci pa
Florence, lo cuminsa invadi awanan regional den curso di e fin di siman venidero aki. Sinembargo, no ta spera un impacto grandi riba e condicion di lama.
Fenomenonan special: ningun
Tempo tropical significante: Florence a debilita y ta un tormenta tropical awo. Florence tabata moviendo west riba awanan habri di Atlantico, oost-zuidoost di bBermuda, y no ta un menasa pa area di Caribe.
Naturalmente depresionnan tropical 8 y 9 tambe ta na bista, cual descripcion por lesa na principio di e articulo.
Potencial di awasero pa proximo 24 ora: 1 mm; localmente por varia
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Pronostico di tempo pa proximo tres (3) dianan:
Parcialmente nubla cu localmente un awasero.
Biento lo ta for di generalmente direccion oost y modera te basta fuerte; Den dia fuerte te posiblemente duro den rafaga;
Temperatura max / min lo ta: 34/27
