Un combinacion di temperatura halto (33 pa 36 grado celsius) y porcentahenan generalmente halto di humedad (mas halto cu 70%) ademas di un biento zwak durante proximo dianan, lo pone cu e sensacion di calor lo por yega 38 pa 42 grado celsius. E calor y humedad halto lo no baha mucho anochi cu temperatura bahando solamente te un minimo di 29 te 27°c grado. Esaki lo aumenta e peligro pa hendenan cu no por haña un lugar adecua pa refresca nan curpa.
Nos ta den e temporada di mas calor di aña:
Calor excesivo ta e asesino di tempo nr. 1. Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu malo di curason ta esunnan mas expone. E combinacion di temperatura y humedad halto lo combina pa crea un situacion den cual malesa causa pa exposicion prolonga na temparatura halto lo por presenta.
Accion di precaucion
Limita actividad pafo di cas pa oranan trempan di mainta of ora solo baha; Ta recomenda pa entre di 11’or di mainta y 4’or di atardi limita actividadnan pafo di cas of cu otro palabra den solo. Si bo tin un airco cu ta funciona uze…of a lo menos habri bentana pa laga aire pasa y circula. Bebe hopi likido, keda den camber cu airco…keda leu for di solo. Ora bo sali pafo, bisti paña di color licht; no uza paña color scur ya cu esaki ta retene mas calor y ademas bebe hopi likido, preferiblemente awa y juice sin sucu.
Efecto na otro paisnan rond mundo
Ta papia di 57 morto caba y a hospitalisa 18 mil hende na Hapon so, den e ultimo luna aki. Tur pa via di e mesun ola di calor aki.
