Meteo ta pronostica fin di siman “muha”

4284

Servicio Meteorologico di Aruba (Meteo) ta informa cu awe nochi laat y mañan mainta shelo lo ta parcialmente nubla cu chens riba awasero. Biento lo ta modera te basta fuerte for di direccion oost, cu forsa 4 te 5 (21 te 39 km/ora, 11 te 21 nudo). Den dia of durante awasero fuerte te duro den rafaga, cu forsa 6 te 7 (40 te 61 km/or, 22 te 33 nudo).

Situacion general di tempo pa proximo 24 ora:

Un ola tropical den parti oost di Caribe ta move pocopoco bay west. Aunke mayoria di e tempo lo pasa noord di region local, esaki lo trece humedad abundante den area den e proximo 24 oranan. Pa e motibo aki por speraalgun awasero cu por bin compaña pa strena cu lamper. Localmente awasero por ta pisa y causa algun molester (wateroverlast).  

Condicionan maritimo/estado di lama:

Ta spera un estado di lama modera te localmente bastante bruto den e proximo 24 oranan. Olanan lo ta for di direccion oost entre 4 pa 8 pia na e partinan oost te noordwest.

Aviso/alerta:

Un aviso pa boto chikito ta na vigor. Ta suplica ocupantenan di boto chikito pa bay cu cautela principalmente na partinan oost te noordwest di costa.

Pronostico di tempo pa proximo 3 dianan:

Parcialmente nubla cu un awasero breve. Biento lo ta for di direccion oost y modera te basta fuerte; fuerte te duro den rafaga; temperatura max/min lo ta: 34 / 28 grado Celsius.