Servicio Meteorologico (Meteo) ta informa cu di acuerdo cu nan pronostico, awenochi shelo lo ta levemente te parcialmente nubla y generalmente seco. Den marduga y diabierna lo ta parcialmente nubla cu chens pa awasero local.
Biento:
Biento lo ta modera te basta fuerte for di generalmente direccion oost cu forsa 4 te 5 (20 te 39 km/ora, 11 te 21 nudo). Den dia fuerte te duro den rafaga cu forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora no ta spera muchu cambio den e tipo di weer cu tin actualmente. Sinembargo, humedad den nivelnan mas abou di atmosfera lo pone cu principalmente durante di oranan di marduga y mainta trempan lo por experencia mas nubia temporal cu lo pasa over for di cual por cay awasero local. Stof fini den aire lo mengua visibilidad un poco den e proximo dianan.
Condicion di lama
Olanan di lama lo ta for di direccion oost cu haltura di 4 te 7 pia. E olanan di mas halto lo ta na costanan oost, noordoost te noordwest di nos isla. Operadornan di boto chikito ta wordu suplica pa tene esaki na cuenta.
Pronostico di tempo pa proximo fin di siman:
Parcialmente nubla, levemente stofferig y generalmente seco. Biento lo ta for di direccion oost y modera te basta fuerte den dia fuerte te duro, posiblemente tin bez hopi duro den rafaga. Temperatura max / min lo ta: 32/27
