Combinacion di temperatura halto y porcentahenan medio halto te halto di humedad, ademas di un biento menos fuerte cu normal durante proximo dianan lo haci cu por sinti malo. Temperatura lo core entre 33 pa 36 grado Celcius, mientras cu porcentahe di humedad lo ta den 65 te 90%, cu lo contribui na un indice di calor (temperatura aparente) rond di 38 te 42 grado celcius cada dia!
E calor y humedad halto lo no baha mucho anochi. Lo por sinti temperatura solamente te un minimo di 27 te 29°C grado. Esaki lo aumenta e peligro pa hendenan cu no por haña un luga adecua pa refresca nan curpa.
Nos ta den e temporarda di mas calor di aña
Calor excesivo ta e asesino di tempo nr. 1. Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu enfermedad di curason ta esunnan mas expone. Limita actividad pafo di cas pa oranan trempan di mainta of ora solo baha. Si bo tin un airco cu ta funciona, uz’e of por lo menos habri bentana pa laga aire pasa y circula.
Accion di precaucion:
Un aviso pa calor excesivo ta nifica cu ta spera un periodo di temperatura halto. E combinacion di temperatura y humedad halto lo crea un situacion den cual por presenta enfermedadnan causa pa exposicion prolonga na temparatura halto. Pesey ta recomenda pa bebe hopi likido, keda den camber cu airco y keda leu for di solo.
