METEO: Mas awasero den anochi y marduga

“Lo bay keda basta nubla pero no mucho awasero mas pa awor aki”, asina Dave Backmeyer di Servicio Meteorologico (METEO) a duna di conoce un rato pasa. Esaki riba pregunta di e situacion di tempo riba Aruba.

Mas leu el a bisa cu “Den marduga pa mainta por cay mas awasero atrobe compaña probablemente pa strena cu lamper. Ta pronostica cu e cantidad di awa lo ta entre 3mm pa 7mm, aunke esey por varia”.

Awasero causando molester den varios area

Awasero causando molester den varios area

Posted by 24ora on Thursday, October 18, 2018

Meteo ta adverti cu, debi cu e suela ta satura caba of ta bai satura, cu e awasero lo por causa molester na cierto luganan.

Ta bon pa bisa cu awe diahuebs a registra mas cu 18mm di awasero cu a cay den e ultimo oranan. E cantidad aki a cay na Aeropuerto. Meteo ta kere cu den otro barionan e cantidad por varia.