Diabierna atardi, Servicio Meteorologico di Aruba (Meteo) a emiti su pronostico di tempo pa siguiente 24 oranan y pa e resto di fin di siman. Ta mustra algun dia seco y cu hopi solo.
Diabierna anochi shelo lo ta levemente te parcialmente nubla y generalmente seco. Den marduga y diasabra lo ta levemente te parcialmente nubla cu chens pa awasero pasahero. Temperatura maximo lo ta di 30 grado celsius y temperatura minimo 25 grado celsius.
Biento:
Biento lo ta modera for di generalmente direccion oost cu forsa di 3 te 4 (12 te 30 km/ora, 7 te 16 nudo). Den dia basta fuerte te posiblemente fuerte den rafaga cu forsa di 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora no ta spera cambionan significante den e tipo di tempo cu ta reina actualmente. Condicion stabiel di atmosfera lo stroba desaroyo di nubianan cu ta produci awasero y por lo general un weer seco lo prevaleve riba nos isla.
Condicion di lama:
Olanan di lama lo ta for di direccion oost cu haltura di 3 te 6 pia; e olanan di mas halto lo ta na costa noordwest di e isla. Temperatura di superficie di lama: 25 grado celsius.
Pronostico di tempo pa sobra di fin di siman:
Levemente te parcialmente nubla y generalmente seco. Biento lo ta for di direccion generalmente oost y modera. De bes en cuando basta fuerte te posiblemente fuerte den rafaga. Temperatura max / min lo ta: 30/25
Lo publica e siguiente pronostico diasabra 06 di januari 2018 pa 5:00pm.
