Servicio Meteorologico di Aruba (Meteo) a informa cu awe nochi shelo lo ta parcialmente nubla y generalmente seco. Den marduga y mayan diasabra e lo ta parcialmente nubla cu chens pa awasero local. Biento lo supla generalmente direccion oost y modera te basta fuerte, den dia fuerte te posiblemente duro cu rafaganan. Condicion di lama lo deteriora den e ultimo parti di e fin di siman aki cu precencia di tormenta tropical Gonzalo den nos region.
Situacion general di tempo pa proximo 24 ora:
Humdedad den area induci pa un ola tropical cu ta pasa bay west lo por produci awasero breve principalmente durante oranan di marduga y mañan mainta. Tormenta tropical Gonzalo ta acerca e islanan den parti zuidoost di caribe y lo yega alrededor di diasabra merdia. Departamento Meteorologico di Aruba lo sigui e desaroyonan di Gonzalo hopi di cerca y den caso cu ta necesario, lo emiti aviso pa publico.
Tormenta tropical Gonzalo tabata move west riba ocean Atlantico central na un distancia di 600km oost di e cadena di islanan den zuidoost di Caribe. Gonzalo ta acerca e islanan mas zuidoost di Caribe. Mientrastanto tormenta tropical Hanna ta move den parti central di golf di Mexico y no ta un peliger pa Caribe.
Pronostico di tempo pa proximo 3 dianan:
Shelo lo ta parcialmente te hopi nubla cu algun awasero cu chens riba strena cu lamper. Biento lo supla modera for entre direccion noordoost y zuidoost;
