Diasabra pa 5:00pm, Servicio Meteorologico (Meteo) a emiti un boletin indicando cu Diasabra anochi shelo lo ta levemente te parcialmente nubla y generalmente seco. Den marduga y diadomingo lo ta levemente te parcialmente nubla cu chens pa un yobida pasahero. Temperatura maximo lo ta di 30 grado celsius y temperatura minimo 25 grado celsius.
Biento:
Biento lo ta modera for di generalmente direccion oost cu forsa 3 te 4 (12 te 30 km/ora, 7 te 16 nudo)
Den dia basta fuerte te posiblemente fuerte den rafaga cu forsa entre 5 te 6 (31 te 50 km/ora, 17 te 27 nudo)
Situacion general di tempo:
Condicion stabiel di atmosfera y un aire relativamente seco lo domina y lo stroba desaroyo di nubianan cu ta produci awasero. Tempo generalmente lo keda seco durante proximo 24 ora.
Condicion di lama:
Olanan di lama lo ta for di direccion oost cu haltura di 4 te 7 pia. E olanan di mas halto lo ta na costa noordwest di e isla. Temperatura di superficie di lama: 25 grado celsius.
Pronostico di tempo pa comienso di siman:
Levemente te parcialmente nubla y generalmente seco. Biento lo ta for di direccion generalmente oost y modera, basta fuerte te posiblemente fuerte den rafaga. Temperatura max / min lo ta: 30/25
Lo publica e proximo boletin di tempo diadomingo 7 di januari 2018 pa 5:00pm.
