MetaCorp y Balashi demostrando solidaridad cu nos heroenan den cuido

MetaCorp a haci un donacion na Dr. Horacio E. Hospital como gradicimento na tur nos heroenan den cuido, esunnan trahando duro den e crisis cu nos ta pasando den aworaki, esta e nursenan y dokternan. E donacion di MetaCorp ta encera productonan di bag in a box mix di refresco, unda a pone un mashin na hospital.

Eddie de Veer, CEO di MetaCorp, a bisa cu e idea a bin di Andreas Dorer, e Director Comercial na Brouwerij Nacional Balashi. El a papia esaki cu e directiva di Balashi y a acerca de Veer, kende a aplaudi e iniciativa mesora. Balashi a tuma contacto cu Hospital y mesora a instala un mashin eynan, cu productonan manera coca-cola, coca-cola zero y juice gratis durante e crisis di Coronavirus.

MetaCorp y Balashi a haci donacion special na Dr. Horacio E. Oduber Hospital

MetaCorp y Balashi a haci donacion special na Dr. Horacio E. Oduber Hospital

Posted by 24ora on Tuesday, April 7, 2020

Eddie de Veer ta conseja henter comunidad pa keda cas, cuida bo famia y bo mes. Percura pa nan keda saludabel. Tambe pa scucha di e mandatarionan y departamento di salubridad publico cu ta duna nos conseho con pa cuida nos mes miho. Tambe respeta e reglanan poni door di Polis, ya cu nan tambe ta trahando duro den e crisis aki, protehando nos tur.

MetaCorp, cu e aña aki ta celebrando 100 aña di existencia ta spera cu pronto Aruba lo por sali di e crisis aki. Eddie de Veer a termina sigurando cu e ta convenci cu na final, Aruba lo sali mas fuerte cu nunca!