Pa basta siman ta preparando cua ta tur e proyectonan na Aruba cu lo bay den un fast track. Esaki ta un proceso segun ley mas acelera pa stimula economia di Aruba bek. Despues di tur crisis cu Aruba ta pasando aden Minister di Desaroyo Teritorial, Infrastructura y Medio Ambiente, Marisol Lopez-Tromp, a bishita diferente sitio cu a haya bouwvergunning of tin cu ta reanuda trabou prome cu Shelter in Place of Coronavirus tabata ehecutando caba. Awe el a bishita ex-drive-In Theatre na Kibaima cu ta den pleno preparacion pa un reapertura.
Den e ultimo simannan Gobierno ta reuniendo intensivamente riba diferente proyecto. No ta solamente proyectonan di infrastructura pero di otro indole. Ta duna nan empuhe pa inicia of por reaunuda nan trabou infrastructural pa stimula Aruba su economia. Dia 23 april 1915 mundo a cera conoci cu drive-in thatre y asina na diferente pais a bin cu ne, prome cu di dos guera mundial. Na Aruba a habri Drive-In na aña 1969 y a cera bek den añanan 90.
Awe a topa cu ehecutivonan di MetaCorp supervisando hacimento di e area limpi den preparacion pa trabounan necesario pa reinaugura Drive-In. Eddie de Veer, CEO di MetaCorp, a bisa cu nan ta hopi contento cu e movecionnan a cuminsa bek. Obviamente pa cuminsa haci trabounan bek di construccion, etc., mester di contratista. MetaCorp ta uzando trahadonan cu ta na cas y tur e tempo aki no a traha aunke a wordo paga. Nan kier sali for di cas y move un tiki, nan ta yudando cu limpiesa general di Drive-In.
Asina aki e contratistanan por caba di duna e quotenan necesario pa haci e trabounan di drechamento di edificio.
Ta premira cu den dos luna e trabounan lo ta cla, sperando cu e servicionan di utilidad por ta asina leu pa por celebra reapertura di Drive-In. Cu e realidad di “normal nobo”, ta necesario pa por sali di cas y mira pelicula den famia of amigo, pero hunto den un solo auto!
