MetaCorp na trahadonan: Nos companianan ta bou menasa

Dos luna pasa caba MetaCorp a informa tur su 600 empleadonan cu Minister Otmar Oduber tin intencion pa cera EcoGas y EcoTech. A tuma e prome paso siman pasa, ora a entrega e Landsverordening na Parlamento, cu lo tin como resultado cu Selimar ta bira un monopolio y EcoTech lo stop di existi. E proximo paso di Minister Otmar Oduber ta un ley di Incinerator cu ta nifica cu tur desperdicio mester bay pa e “mass burn incinerator” y no por bay EcoGas mas, cu consecuencia cu EcoGas tambe ta cera!

Gerencia di MetaCorp a splica e trahadonan cu ta duel nan masha cu mester manda e comunicado aki, pero ta algo hopi desastroso cu ta afecta tur empleado y nan famia. “Maske cuanto cu nos empresa a purba di dialoga y informa Gobierno, te awor tur esfuerso no a duna ningun resultado favorabel y ta constata cu Gobierno ta persisti cu su intencion. Minister ta bisa cu nos por keda habri pero esey no ta berdad pasobra un empresa sin entrada no por keda habri”, asina ta skirbi den e comunicado cu a bay na trahadonan awe merdia.

Pero parce cu si por a pensa cu ta pa casualidad ta ataca EcoGas y EcoTech, ta resulta awor cu e mesun Gobierno aki ta trahando duro pa introduci un belasting nobo riba refresco. MetaCorp a bisa e trahadonan cu si e ley aki pasa, e consecuencia lo ta devastador pa e unico fabrica di refresco na Aruba, esta Tropical Bottling Company. “Gobierno kier culpa Hulanda cu ta insistí riba un SugarTax pero esaki tampoco por ta berdad pasobra Hulanda mes no tin sugar tax!”, asina ta skirbi den e comunicado.

Na final, a bisa e empleadonan cu “Tin fuerte indicacion cu Gobierno no kier pa nos celebra 100 aña di existencia como e empresa Arubiano di mas antiguo. E situacion aki ta critico y ta un peliger pa democracia y pa nos constitucion, no solamente pa nos empresa, pero pa tur empresa na Aruba y cu lo afecta empleo di hopi Arubiano. Gobierno kier pasa problema di sector publico pa sector priva”.

Loader Loading...
EAD Logo Taking too long?

Reload Reload document
| Open Open in new tab

Download [90.67 KB]