MetaCorp cu donacion special pa Cuerpo di Polis

2199

Recientemente MetaCorp a haci un donacion special di bag in a box mix di refresco y juice na Hospital y e biaha aki a haci’e na Cuerpo Policial Aruba (KPA). Polisnan tambe ta bringando e guera contra COVID-19 riba frontline. P’esey MetaCorp kier ta sigur di por haci e bida di e Polisnan mas agradabel y placentero durante oranan largo di trabou, bou circunstancianan special, durante e crisis aki di Coronavirus. 

Eddie de Veer, CEO di MetaCorp, hunto cu un ekipo di Tropical Bottling Co. a yega na oficina principal di Cuerpo Policial Aruba na Macuarima pa entrega un mashin y bag in a box mix di refresco. A entrega e productonan na e Warda principal di Polis y di eynan lo parti’e internamente.

Danki pa garantisa siguridad pa henter nos pais: MetaCorp cu donacion special pa Cuerpo di Polis

Danki pa garantisa siguridad pa henter nos pais: MetaCorp cu donacion special pa Cuerpo di Polis

Posted by 24ora on Friday, April 17, 2020

MetaCorp ta uni su mes haciendo un apelacion special na tur hende pa cuida nan mes y sigui e sugerencianan di e mandatarionan y di e profesionalnan, pa asina por sali for di e pandemia aki miho cu nunca y mas pronto posibel. Tambe ta desea e polisnan hopi forsa y pa nan sigui haci e bon trabou cu nan ta haciendo. E trabou no ta facil, pero Eddie de Veer ta convenci cu nan ta haciendo un bon trabou y deseando nan hopi forsa den e dianan nos dilanti. 

Errol Zebeda, Hoofd Divisie Bedrijfsvoering di KPA, tabata yena cu emocion p’e donacion cu nan a ricibi. E ta gradici tur instancia y personanan cu kier sostene Polis den e bataya contra Coronavirus. Henter e situacion a cay di sorpresa riba Polis, Errol Zebeda a bisa. Nan a ripara cu nan so no ta para den e bataya aki, pero cu tur hende ta den e mesun bataya.

Cuerpo Policial ta corda tur hende pa keda cas, mantene distancia y percura pa tuma tur medida p’e parti higienico cu DVG a duna, esta laba man. Si tur hende haci esey, tur hende lo sali victorioso den e bataya contra Coronavirus.