Mester ta mas responsabel cu mascota: Cacho a morde hende na San Nicolas

1004

 A pidi presencia di polis na Pietheinstraat San Nicolas na momento cu un cacho a morde un persona. 

Esaki a sosode diabierna atardi den careda di 3:30PM na momento cu un peaton a pasa susto di su bida ora cu un cacho a atac’e y mord’e den e caya menciona.Polis a presenta y a atende cu ambos partido y informa di kico cada persona tin cu haci den un caso asina aki.

Tambe a recorda e doño di e mascota riba su responsabilidad cu su mascota. E persona a duna di conoce cu e lo carga cu tur gasto relaciona cu e incidente cu su cacho.

Tin di menciona tambe cu esaki no ta prome caso caminda cu polis tin cu bay atende cu cuidadanonan cu ta resulta herida/ ataca dor di cacho y cu gran mayoria ta debi cu e mascotanan aki no ta den un cura cera of supervisa dor di nan doño.