Hopi no ta na altura, pero ta necesario si. Ora un accidente tuma luga durante ora di trabou, mester notifica Dienst Technische Inspecties(DTI). E no ta un opcion, e ta mara den ley bou di veiligheidsverordening, unda ta describi cu e doño di trabou tin cu notifica DTI.
Despues cu DTI ricibi yamada for di e doño di trabou of central di polis, un personal di e departamento ta presenta na e sitio di incidente pa cuminsa cu e proceso investigativo. Ki ora DTI mester ta presente; ora un persona fayece, ora interna e victima den hospital y si un persona keda invalido. Ta regular cu doño di trabou no ta notifica DTI y esaki por tin su consecuencia cu ne.
DTI ta pidi un y tur pa ora un incidente tuma luga, purba laga tur cos manera e ta. Si no haci esaki, e lo por stroba e investigacion. Claro, si tin cu hala e obhetonan pa yuda e victima, esaki no lo ta discutibel mes. E departamento encarga cu inspeccion ta curasha tur dunado di trabou pa sea mensualmente of semanalmente pasa den e plan di siguridad cu tin na trabou. Si acaso no tin esaki; por contact DTI mes, caminda lo yuda den e proceso aki.
