Mervin Wyatt-Ras: Mester preveni mas aumento di casonan di COVID-19

541

Durante un entrevista Parlamentario drs. Mervin Wyatt-Ras a trece su preocupacion padilanti pa loke ta trata e virus di Corona esta COVID 19. segun e parlamentario mester preveni mas aumento di casonan. E parlamentario ta nota cu e cantidad di casonan na Aruba a aumenta drastico te na 74. Desde januari di e anja aki Wyatt-Ras a bin ta haci pregunta na gobierno encuanto di e virus aki y con prepara nos ta pa e impacto di e virus. Wyatt-Ras tabata preocupa con ta atende nos pasaheronan na entrada ora nan yega Aruba pa evita contagio. E tempo ey ni contesta e no a haya riba su preguntanan. E virus aki a inicia na Wuhan China na december anja pasa y a plama rond henter mundo den 4 luna di tempo. Mundialmente un total di 1.424.101 caso na mundo y 81.889 morto. Nos pais tambe ta luchando cu e malesa aki y nos hendenan a ser confronta cu un forma di biba mas limita, sin e libertad cu nos tabata conoce y cu a haci nos asina bendiciona. Nos a conoce “social distancing” cu nos mester keda 2 meter for di otro, cuarentena, isolacion, “Lock Down”, “Shelter in Place” durante cual nos no por sali foi cas durante dia cu excepcion di bai botica, dr. supermartket y haci ehercicio. Nos conoce alabes “Toque de Queda” di 9 pm pa 6 am durante cual no por sali at all pafo. Nos pais awor ta “Locked Down” pues niun hende no por sali foi nos pais ni drenta. Esaki excepcion di friends di gobierno cu si ta drentando. Nos hendenan a perde trabou paso no tin turista y pues nos ingreso principal turismo no tey mas. Muchanan ta na cas y nan estudio ta na peliger. Tin inciativanan di ensenjansa virtual si. Gobierno a priminti esnan cu a perde trabou un suma di afls.950,- sin embargo te ainda nada y awor ta bisa te fin di April. Wyatt-Ras ta di opinion cu fin di april ta mucho laat. ademas mester yuda esnan cu no tin ni trabou ni bijstand. Wyatt-Ras ta ser aserca dor di cuidadanonan preocupa cu diferente issue y a manda 61 pregunta pa minister Evelyn Wever. Croes, pa Dangui Oduber y Glenbert Croes. Lo tin un reunion publico diabierna. Wyatt-Ras ta spera cu ministernan por contesta e preguntanan. 
Wyatt-Ras a tuma nota cu a sera diferente supermercado pa motibo cu nan no ta practica “social distancing”.  E Parlamentario ta haya cu mester informa e supercadonan bon y cla kico ta spera di nan y evita pa djies sera nan paso tin hopi hende, especial nos grandinan, cu no tin auto pues no por yega na un otro supermercado. Wyatt-Ras ta senjala e discucion cu tin tur dia encuanto bistimento di ”mondkapjes” y e ta haya cu tur hende mester tin e libertad di bisti ”mondkapje“, natural segun recomendacionnan di DVG. Wyatt-Ras ta trece padilanti cu DVG ta forma parti di e cooperacion entre Paisnan di Reino den cual Hulanda o sea RIVM ta e “focal point”. Ta traha estrecho cu WHO. E protocol di cooperacion titula International Health Regations a ser firma na Aruba na juni 2015 durante e Healthcare Conference cu ex-minister Schwengle a organisa riba peticion di Parlamento di Aruba segun palabracionnan den IPKO. A base di esaki a aproba e ley encuanto “Infectieziekten”. Awor cu Aruba ya caba tin 9 pashent di COVID 19 na Hospital y 2 den ICU ta urgente pa Aruba por ta prepara pa cu esaki. Wyatt-Ras a haci preguntanan e.o. encuanto materialnan pa proteccion di trahadornan den cuido. E parlamentario ta sinti cu gobierno mester tuma mas medida pa proteha nos pueblo di mas contagio. Tocante e hoben cu mester a warda pafor y cu no a regla transporte p’e despues cu el a sali for di SEH, Wyatt-Ras a haci pregunta tambe paso no ta humano pa laga algo asina sosode. Wyatt-Ras na final a gradici tur profesional riba tereno di cuido pa nan labornan, nos cuerpo policial y tur otro ”frontliners” incluyendo esnan den ramo social. Na tur cu ta riesga nan salud pa cuida, skucha, dirigi y proteha otro e Parlamentario ta expresa palabranan di elogio.