Diahuebs parlamentarionan di fraccion di AVP Richard Arends y Mervin Wyatt-Ras a reuni cu sr. M. Arends, presidente di e fundacion pa proteha esnan cu ta sufri di higra.
E encuentro tabata uno informativo den cual e.o. metanan di e fundacion recien lanta a ser tresi padilanti. Duna informacion y prevencion ta di importancia den e promer fase. Ademas tratamento y seguro medico den caso di tratamento den exterior. Den pasado a toca e tema aki den parlamento y fraccion di AVP a expresa deseonan pa gobierno por yuda pashentnan.
E tema di donor di higra a ser toca durante reunionnan den Reino di IPKO y tur e partnernan di Caribe ta mira e importancia di cooperacion pa loke ta trata e asunto aki. Lo keda den contacto cu sr. M. Arends cu tin intencion di papia cu tur partido politico paso manera cu e ta indica e asunto aki mester di sosten di un y tur y no mester ser mexcla cu politica.
