Durante conferencia di prensa di partido AVP parlamentario Mervin Wyatt-Ras a trece padilami cu awor 2 siman prome cu Pasco di Nacemento y yegando na fin di anja nos tin cu para keto y wak con e anja a transcuri y kico a ser haci durante e anja aki.

Ta tristo pa constata cu pa loke ta trata gobierno no a haci mucho. Nos no tin ni un presupuesto di anja 2020 cu a yega Parlamento, no a presenta jaarrekeningen, ni un Presupuesto suppletorio. Si gobierno a gasta mas placa, gobierno mester presenta un presupuesto Suppletorio na fin di e anja pa duna cuenta na Parlamento y pa Parlamento por haci su trabou di controla gobierno debidamente.

Mervin Wyatt-Ras: Nos pueblo ta strangula y minister di salubridad ainda no ta carga su responsabilidad

Mervin Wyatt-Ras: Nos pueblo ta strangula y minister di salubridad ainda no ta carga su responsabilidad

Posted by 24ora on Thursday, December 12, 2019

Nos preguntanan den Parlamento no ta ser contesta debidamente dor di mandatarionan. Di 700 y pico pregunta cu nos fraccion a haci na gobierno, solamente 50% so a wordo contesta y ora cu presenta cualkier ley den Parlamento y djies aki e presupuesto tambe, ta bulldoze esaki. Ta manda e documento sea presupuesto of un ley y nos ta haya par di dia pa les’e y traha pregunta, gobierno na su turno ta contesta djies un par di pregunta y ta bulldoze e ley paso e sa sigur cu su coalicion ta aproba tur loke e trece. Asina a pusha medidanan y trece amargura den nos pueblo. Tur e leynan cu nos a pasa manera e reforma fiscal of manera nos lider a yam’e e atraco fiscal, nos a conduci na cu nos hendenan tin mas gasto, mientras no tin mas entrada. E caachi caachi cu a duna pueblo di mas o menos ta mucho menos cu e medidanan. Prijsnan a subi a consecuencia di BBO dor di cual nos hendenan no ta kom rond cu loke nan tin como entrada.

E atraco fiscal aki tin nos pueblo strangula. Esaki ta un palabra cu nos hendenan ta uza pa expresa cu e subida di prijsnan tin nan choca. Ora bo topa cuidadanonan den tienda, esnan cu antes un par di anja atras tabata yena nan garoshi yen di producto, awor ta cana wak prijs y hasta nota den un buki pa nan compara cu otro tienda pa asina nan por cumpra na unda e productonan ta mas barata. Ta serca di Pasco y Anja nobo. Nos hendenan kier un galinja, un ham, kalaloena y algo special, snacks pa e dianan di fiesta y nan no por cumpra nan. Si bo cana den supercado hasta e donjonan ta comenta cu benta a baha drastico. Nos hendenan no ta cumpra manera antes. Esaki naturalmente ta a consecuencia di tur locual e medidana, e BBO cu a redobla, e reforma fiscal/atracto fiscal cu no a trece loke gobierno a priminti. Gobierno a ganja nos pueblo cu tin mega debe, sinembargo esaki no tabata e caso. No tabatin ningun mega debe. Gobierno a fia placa y cu e placa aki ta satisface tur su gustonan. Nan ta viaha. Nan ta luha. Nan ta nombra nan friends and family, primo, prima, hasta byside ta wordo nombra. Tur esaki a consecuencia di nos hendenan. Nos hendenan ta sufriendo, nan ta sangrando.

Tanto CBS y Banco Central su cifra ta mustra cu e consumo di nos pueblo a baha, e bestaansminimum di nos pueblo tambe a baha. Nos hendenan ta come short. Un famia di dos persona mester 200 mas pa sobrevivi y un famia di 4 persona mester di 400 florin mas como bestaansminimum. Nos hendenan e ora no ta logra haci loke nan kier haci pa nan por duna nan famia y pues pone pan ariba mesa di nan famia y no por cumpli cu gustonam di nan famia. P.e. Nos muchanan kier coi hinha, panja nobo, sali pa distrai y esaki a bira awendia hopi dificil pa mayonan cumpli cu nan yiunan. Tur esaki no por e anja aki riba nos pais Aruba. Nos pais cu semper tabata bendiciona, semper nos hendenan tabata cana cu orguyo cu nan tin pa nan cumpli cu nan necesidad. Awor aki nosolamente CBS y Banco Central ta mustra riba falta di poder di compra pero fundacion pa nos comunidad tambe. E fundacion aki por cierto a cumpli 10 anja di existencia y Wyatt-Ras ta extende palabra di felicitacion na e fundacion aki. A tuma nota di in entrevista cu e fundacion dor di sr. Andrade caminda cu ta trece padilanti cu tin mas cliente ta haya pakete di cuminda cu 3 anja pasa. Di 110 famia pa 150, subida di casi 50 %.

Esaki ta un muestra cu nos hendenan no ta kom rond cu locual nan tin. Conociendo nos hendenan cu ta biba na nos pais, nan ta orguyoso y pa nan bai un lugar pa pidi yudansa ta hopi cos mester a pasa. Tambe por constata cu minister di Asuntonan Social tampoco no ta duna sosten na e fundacion. E ta papia masja binita mes y a inventa un crisis social na comienso di e gobernacion y awor cu di berdad nos pueblo ta den crisis dor di tantisimo medida. Por a tuma nota cu 93% di e instancianan social ainda no a haya e sosten prominti dor cu “zogenaamd” nan no ta cumpli cu criterianan of “programmavereisen“. Por a tende alavez cu e fundacion pa nos comunidad tampoco no ta haya ningun sosten di “crisisplan”. Ta indica cu lo kier contacto cu e minister. Por a tuma nota di e instancia aki tambe cu e productonan cu nan ta cumpra pa yuda nis pueblo a bira asina caro. pues di tur banda por tende cu nos hendenan ta wordo strangula pa e prijsnan y costo di boda asina halto. Envez cu e minister yuda e fundacion e ta cana parti basket rond. Aki ta duna un basket kizas di productonan expired pa por haci campanja, mientras cu e ayudo mester ta mas dirigi. E Pasco aki lo ta un Pasco hopi tristo, un Pasco cu carteranan bashi pa pueblo y yen pa e gobernantenan. nos pirblo siguramente merece hopi mas mihor cu locual e gobierno aki ta haci.

Comments

comments