Parlamentario Mervin Wyatt-Ras a tuma nota den prensa di declaracion di señora di Luigi Bergen encuanto maltrato di su yiu y ta haya esaki un asunto serio. Dialuna cu a pasa dia 9 di september Parlamento a reuni pa aprobacion di credencialnan di Luigi Bergen di MEP,pa e por drenta Parlamento. Sinembargo por a tuma nota di declaracion di su casa cu a haci un denuncia contra dje pa violencia domestico.
Alavez a publica un proces-verbaal di juli 2019 y referencia di dokter di cas pa psikiatra di su yiu cu lo tin problemanan psychi-social dor di violencia di su tata. Esaki a ocasiona reaccion di un cantidad di ciudadano riba medionan social tambe serca Wyatt-Ras y fraccion.
Con por ta cu un partido manera MEP cu ta pretende di tin integridad asina halto riba agenda ta di acuerdo? Unda e partido ta cu a base di maltrato y morto di 2 mucha a bisa cu tin crisis social y a introduci un plan di crisis conhuntamente cu un suma cuantioso di 18.7 % pa 2019 y un suma semehante pa 2020 pa atende cu esaki?
Unda Evelyn Wever-Croes a keda pa opina encuanto esaki? Unda Glenbert Croes a keda? Unda miembro di coalicion Andin Bikker a keda? Ta hopi recien cu miembro di Parlamento Sue Ann Ras di a retira di e mesun partido pa motibo cu ela wak netflix durante reunion den eerste kamer y e mes a haya cu esey no ta un conducta cu ta bon y a dicidi di retira.
Por corda alavez con MEP a cambia slot di porta y a saca Wyatt-Ras mes y Lopez-Tromp foi partido djies pa un votacion ariba un ley cu Wyatt-Ras te dia di awe ta orguyoso cu ela vota p’e. Esaki ta e “Versoberingswet” cual a kita un cantidad di beneficionan di politiconan. Aki mesora a yama partijraad y saca Wyatt-Ras y Lopez-Tromp afor y awe unda e mesun Marisol Lopez-Tromp cu ta cu nan den coalicion ta para den e asunto aki?
Fraccion di AVP (taba)tin violencia domestico, abuso y maltrato, especial di mucha y hoben na pecho y semper a para pa nan derecho. Pero ta obvio cu MEP y su coalicion atrobe ta muisstil mescos cu e cantidad di casonan di abuso cu a sosode den ultimo tempo unda e minister di Asuntonan Social Glenbert Croes ta sconde.
Cu ki cara gobierno ta bin defende crisisplan den parlamento si nan no por atende na un forma transparente cu nan mes un abuso y maltrato. Cu ki cara gobierno lo defende integridad? Wyatt-Ras ta spera cu ta bin claridad den e acusacionnan aki pa salvaguardia e respet cu mester tin pa Parlamento y su Parlamentarionan.
