Mervin Wyatt-Ras Crisis socialplan ta ser maluza pa nombra coordinadornan di Relacionista Publica

Parlamentario drs. Mervin Wyatt-Ras a tuma nota di loke ta circulando den medionan social encuanto abuso di e fondo di e plan di crisis. Awor tin un di tres persona cu a wordo nombra pa public relation coordinator pa Sociaal Crisisplan.

Por a tuma nota cu e persona aki ta procedente di Serlimar. Segun Wyatt-Ras sin wak ken e persona aki ta, e ta bai pa e hecho cu en principio Crisisplan a wordo lanta manera cu tin “crisis” y cu lo tabatin hopi casonan, cu muchanan a muri, y a haci comosifierna nada no a wordo haci dor di gobierno anterior pa sector social.

Sinembargo si papia cu personanan cu ta traha den sector social hopi di nan ta keha cu nan no a haya loke gobierno aki a priminti nan. Gobierno aki a bin na Parlamento un biaha so pa presenta su raport di evaluacion di ehecucion di e plan. Esaki a base di exigencia di Parlamento durante e reunion publico cu a trata e fondo pa ehecucion di e plan aki.
E di dos raportahe gobierno a djies parti’e durante un otro reunion publico, pero e no a bin parlamento, specialmente pa esaki.

Por a mira cu ela bin parlamento si pa trata e plan cu un parlamentario hulandes. Aki un grupo selecta di parlamentarionan so tabatey. Ariba un foto cu nos por a tuma nota di dje den medionan di comunicacion por a mira un miembro di Parlamento cu su senjora a acuse di maltrato di su yiu. E informacion di esaki a circula den medionan di comunicacion y e parlamentario aki lo mester a bai Sostenemi pa combersacion of tratamento pero ela nenga esaki y no a kier a bai. Anto e ora por cuestiona cu ki cara e parlamentario aki por para eynan?

E parlamentario aki cu ta nenga di reconoce Sostenemi como instancia pa busca yudansa pa su famia y su yiu ora ta cumbini si ta para pa propaga crisisplan. Con por ta posibel cu e no kier coopera cu guia di trauma di su propio yiu y si ta para hunto cu otronan ora ta splica e mesun tipo di problemanan aki? Ta importante como miembro di Parlamento pa duna bon ehempel, en especial ora bo partido ta pretende di para pa integridad. Laga nos bisa nos tur por tin problema, nos tur por haya nos den un situacion dificil,  pero ora tin un yiu cu trauma de por medio ta necesario cu e mayor por carga su responsabilidad. Si e partido geel ta responsabel y di berdad ta para pa muchanan den problema e mester yama un reunion cu e politico aki y pone carga su responsabilidad. Pero e gobierno aki su ministers tambe cu apoyo di e lider ta trece diferente bullyers ora di Reunion Publico pa grita oposicion mientras nan ta pretende di ta na banda di victima di abuso y maltrato.

Pues e maneho di e gobierno aki ta contradictorio na actuacion di su mes y su hendenan.  Ademas pa loke ta trata e muchanan of angelitonan cu lamentablemente a fayece y cu e gobierno aki a uza pa lanta Crisisfonds, por a tuma nota cu e mama di e muchanan a sali for di prision y segun medionan social y declaracion di un persona e tabata baila den club. Aki e pregunta ta surgi na unda e ministernan di Justicia, di Asuntonan General y di Asuntonan Social ta? E reaccion di minister di Justicia ariba e pregunta encuanto e cantidad di castigo cu e mama a haya y cu e mama ya a ser libera tabata pa bai puntra Ministerio Publico. Kiermeen cu e minister aki awor ta laba man pa e asunto. Esaki ta contrario na locual e tabata vocifera como parlamentario cu castigonan ta mucho abou pa abuso y maltrato. Awor cu e ta minister e ta manda hende puntra Ministerio Publico. Segun Wyatt-Ras ningun hende di e gobierno aki no ta atende cu e caso. A lanta full un fondo cu hopi placa, esta 18.7 miyon florin pa cada anja, pasobra 2 mucha a fayece y awor cu e mama a sali foi prison niun hende no sa di e asunto.

A critica gobierno anterior y a gaba cu e gobierno aki si ta atende cu abuso di menor y asunto social, pero nada no ta wordo haci.Al contrario awor si nos por papia di crisis en bista cu e costo di bida haltisimo ta haci nos hendenan pober y hiba nan den un berdadero crisis financiero, social y mental. Ta di importancia pa esnan encarga cu e asunto, atende cu e mama cu a sali foi prison pa evita cu actonan semejante por ripiti nan mes. Pasobra si e mama aki tabatey ora e padraso a comete abuso cu e muchanan y asesinato y ela permiti e actonan aki lo mester tin contacto cu e mama aki pa preveni cu den futuro algo semehante lo por sosode. Pero awe tur e mandatarionan cu a haci politikeria cu dolor di mucha ta “muisstil” y ta laba man. E ora como gobierno bo no ta ”walk bo talk”y bo por ser considera mentiroso. Wyatt-Ras ta spera cu e biaha aki si e minister sali for di su escondite y splica pueblo kico e lo haci pa preveni den e caso aki pa cual tin hopi placa den e fondo pa atende cu n’e.

Pero envez di atende cu e casonan concreto aki, e minister di Asuntonan Social ta skohe pa keda emplea su hendenan y amistadnan, e.o. pa haci PR pa e plan, mientras e fundacionnan cu ta haci trabounan preventivo y curativo no ta haya e suma cu ela priminti nan. Pasobra segun e minister nan no ta cumpli cu cierto criterianan. Mester cambia e forma di nenga e instancianan pa asina nan por haya sosten pa cumpli cu nan metanan. Ta di spera cu e directora para fuerte pa no laga nombracionnan di friends and family keda tuma lugar envez di duna instancianan e sosten priminti.