Mientras cu sra. Daphne Lejuez ta ser critica dor di Mep na un forma baho nan tin cu bai wak den nan partido y fraccion promer cu papia di integridad. Ta conoci publicamente un proces-verbaal di sr. Luigi Bergen den cual su esposa ta declara diferente actonan di maltrato di dje pa cu su propio yiu muher.

Ex-esposa di Bergen a entrega keho of denuncia na cuerpo policial y a pidi pa strafvervolging di e persona Bergen cu a maltrata nan yiu muher. Esaki no ta wordo cuestiona dor di fraccion di Mep. Kizas esey ta normal pa nan. Nan no ta cuestiona e meneer aki pero si sra. Daphney. Kiermeen tin ley pa un y no pa otro. Segun Wyatt-Ras ta bon pa pueblo tuma nota di esaki. Tin un procesverbaal di dia 9 di juli 2019. Alavez tin un carta di dokter cu na 2012 caba tabatin keho di maltrato di yiu muhe di sr. Bergen.

Un keho a wordo duna na politiewacht unda cu ta bisa” mishandeling ”multiple heamatomen schouders en armen”. Esey ta un declaracion di dokter. Ademas nos tin e verwijzing of referencia tambe pa un kinderpsychiater cu lo mester a prolonga esaki pa motibo cu e tin hyperventilatiesyndroom a base di e trauma cu e tin dor cu su tata a choke y dal’e den muraya. ta lo siguiente: “Volgens psychiater is er sprake van omverwerkte trauma. Vader die jaar gewurgd heeft en tegen muur gegooid. School heeft casus aangemeld bij Sostenemi. Deze heeft gezin uitgenodigd voor familiecounseling. Maar vader heeft brief teruggeschreven dat hulp niet nodig“.

Aki claramente por mira cu sr. Bergen te hasta ta skirbi carta pa rechasa guia di famia pa yuda su yiu. Aki nos por mira cu tin un caso pa loke ta maltrato di su yiu. Segun Wyatt-Ras esey por pasa cu tur hende pero mester carga responsabilidad pa e actonan aki y proteha nos muchanan.  Si bo ta un partido cu ta pretende di ta integro tin cu cuminsa cu bo mes. Dicon no ta yama un reunion, un partijraad. Yama e persona aki, pone carga su responsabilidad paso tin un caso pending tambe cu e no kier paga alimentatie. E mester carga su responsabilidad. Locual a indigna Wyatt-Ras ta cu por a mira sr. Bergen banda di e minister di Asuntonan Social durante un splicasion di crisis social na un parlamentario Hulandes. Na Parlamentoarionan di Aruba no a duna dicho splicasion. Sr. Bergen tabata riba foto cu minister y e parlamentario Hulandes. Algo cu no ta cuadra.

E persona aki ta maltrata su yiu. E no kier bai pa ayudo na buro Sostenemi cu ta e instancia cardinal den e guia cu a propone den e plan di crisis social anto awor si pa bo propio conveniencia sr. Bergen ta para eynan y mustra cu e lo ta apoya crisisplan. Eynan Wyatt-Ras ta haya cu partido Mep mester yama un partijraad pa refleha. Cu ki cara bo por motiva mayornan pa sigui guia na buro Sostenemi si bo mesun Parlamentario ta maltrata su yiu y ta nenga guia? Wyatt-Ras y su coleganan ta keda pendiente kico lo sosode. Paso no ta husto ni corecto cu un partido y coalicion cu ta pretende di tin integridad halto riba agenda por ser representa dor di un persona di cual publicamente ta conoci cu el a maltrata su yiu cu consecuencianan grave y no ta desea pa yuda su yiu sali for di e trauma. Spera cu e minister di Asuntonan Social, di Asuntonan General y esun di Justicia atrobe no keda muisstil. 

Comments

comments