Mercedes a resulta di tin dos doño

3335

Un dama ta reconoce su auto Mercedes Benz cu net na e momento ey tabata den halto na JR Autocenter na Santa Cruz cu cambio di taira. Diabierna atardi pa mas o menos 4or ney di atardi ta pidi presencia di polis pa bin duna asistencia entre un dama y un cabayero cu ta duna di conose cu nan ta doño di e auto en cuestion.

E dama ta conta cu den su caso di su divorcio un huez lo a dicta e auto lo a keda pa su persona pero parse cu su ex pareha no lo a compronde e veredicto aki pa un of otro motibo y lo a keda cu e vehiculo y cu na su tempo e lo a bende e Mercedez Benz.

Na momento cu e dama lo a yega JR Autocenter na Santa Cruz e señora a reconose e auto y a claim cu e Merzedes Benz cu nan tabata bezig ta cambia su tirenan, tabata di dje. Mes ora e señora a bay reclama e doño di e auto u esaki no a cay den bon tera serca dje y a bisa cu e no tin nada di papia cu ne y cu Polis so e lo papia. 

Na otro banda e su puesto doño nobo di e Mercedes Benz ML 350 a laga sa cu e a cumpra e auto legalmente di un persona cu a bisa di ta doño di e auto. Mirando cu cada un a keda para riba nan palabra, a dicidi di tuma e auto den beslag y unda na warda di Polis cada persona mester bin cu su papelnan como prueba nan e caso.