Mayor, bo sa caba cua scol bo yiu ta bay sigui despues di MAVO? Diaranson 27 di maart venidero Decanenkring San Nicolas ta organisa nan Mercado di Estudio di tur aña.
Diferente scol, instancia pero tambe hendenan den un cierto profesion lo ta presente e anochi ey pa duna tur clase di informacion na nos hobennan y nan mayornan. Di e manera aki nos hobennan por orienta nan mes bon y haci un bon escogencia di scol of opleiding cu nan kier sigui despues cu nan tin nan diploma di MAVO den nan man.
Pa medio di e comunicado aki Decanenkring San Nicolas kier a invita tur alumno di klas 3 y 4 di dag- y avondmavo, pero tambe tur alumno di EPB-doorstroom y nan mayornan pa asisti na e anochi di informacion aki.
Dia: diaranson 27 di maart 2019
Luga: Abraham de Veer School den Pastoor Hendrikstraat na San Nicolas (Jo Laveist Sportpark bay ariba, entrada ta patras)
Ora: 6.15 pa 9.00 p.m.
Haci un escogencia no tur ora ta facil, pero hunto nos ta logra. Nos hobennan mester por conta riba nan mayornan, nan scol, tur otro scol, instancia y personanan cu por contribui pa nan yega na haci un bon escogencia pa nan futuro.
Laga nos tur brinda nan e oportunidad cu nan merece. Lo tin posibilidad pa cumpra algo di come of bebe. Bini uno y bini tur. Nos ta warda boso!
