E Ministerio di Asuntonan Exterior di Hulanda ta conseha Hulandesnan pa no biaha pa Aruba. E conseho aki nan a publica pa tur hende. E Ministerio ta conseha esnan cu ta na Aruba pa despues di regresa Hulanda pa bay den cuarentena di 14 dia na nan cas. E decision di tin e “codigo oraño” pa Aruba ta bin door di e cantidad di registracion di contagio di Coronavirus.
Diabierna tabatin hopi caso nobo cual ta pone cu e casonan activo ta riba 200 pa un poblacion di 110.000. Un di e studiantenan di Aruba cu a yega Hulanda a mustra di ta infecta. Hunto cu otronan cu a yega, a pone nan den cuarentena. Esaki despues a bira tres studiante.
Un siman prome Hulanda a pone e conseho aki pa St. maarten. Tanto Corsou como Boneiro a cera nan frontera cu Aruba na comienso di siman. Tabata di spera cu esey lo pasa, pasobra nan ta mara na otro. Nan ta funciona segun conseho di e instituto Hulande RIVM. E aerolinea TUI lo stop nan vuelo y repatria esnan aki, pero KLM lo sigui bula. Merca no a haci niun cambio den nan status y lo sigui cu vuelonan pa Aruba.
Hopi esnan di exterior ta spin e situacion mas erg cu e ta, incluso Corsou. En principio Merca mes no ta encurasha hende pa biaha internacional. Pa ATA cu Mericanonan ta biaha pa Aruba no obstante e conseho y tur rekisito estricto, esaki ta algo simplemente tremendo. Hopi di esnan cu ta bin ta e bishitantenan leal. TIU lo busca e Hulandesnan cu vuelo normal riba diadomingo y diamars. Vuelo di repatriacion lo ta riba diaranson.
