MEP ta reconoce Efe Croes como baluarte

388

Efe Croes conosi tambe como “Efe boxdo” kende tabata un tremendo atleta cu a practica e deporte di boxeo den su tempo a wordo reconosi pa MEP. Efe ta tata di 6 jui homber y 1 jui muher. Efe Croes a bira hopi famoso na Aruba den e mundo di boxeo. No solamente como boxdo pero na un edad mas avansa tambe como entrenador y hasta diferente di su juinan tambe a sigui su pasonan como deportista. Efe a box tanto na Aruba, Corsow y Venezuela. Efe tabata activo desde 1954 pa 1980. Efe a bringa na Venezuela contra boxdo nan di taya internacional manera e 3 biaha campeón mundial den peso pluma Chicherito Medina y tambe den peso lihero contra Luis Bareto aki na Aruba y a gana entreotro pelea pa titulo contra Kid Zoro e campeón di Antiyas. Puntrando Efe cual tabata su pelea mas duro Efe a comenta un pelea na Corsow contra “Kid Ambrioso” cual Efe a balota y no a practica manera mester ta y a pasa den scual formalmente pa finalmente gana pa punto. Den un revancha Efe a knock out “Kid Ambrioso”. No obstante Efe su bunita carera den deporte Efe ta un baluarte tambe den arena político. Efe Croes tambe a lanta den temporada di Betico Croes. Partido MEP ta den proceso pa identifica y duna reconosemento na tur baluartenan cu a sostene Betico Croes den e proceso di e lucha pa Status Aparte. A toka Endy Croes e honor pa entrega e deportista Efe Croes un bunita reconosemento cu potret di Betico, Nel Oduber y Evelyn Wever Croes como aprecio y recuerdo como baluarte di partido Movimiento Electoral di Pueblo. Danki Efe Croes pa tur Bo sosten brinda tanto na deporte pero sigur na nos partido. Merecidamente un baluarte ehemplar.