Fundeshi di cada organisacion ta e formacion cu e ta brinda su personal. Den caso di Cuerpo Policial e importancia ta mas grandi, den e sentido cu Scol di Polis ta brinda cursonan den e cadenan Hudicial, na diferente departamento local y internacional, asina e relato di Rocco Tjon, Parlamentario di MEP ta inicia bisando. Tjon mes tabata un Alto Inspector di Polis y ta casa di actual Comisario di Polis.
Pa hopi aña Scol di Polis ta ofrece varios curso na diferente organisacion den e cadena hudicial, local y internacional, pero no por cobra pa esaki. Pa e simpel motibo cu ley no ta permiti esaki. P’esey ta importante pa privatisa Scol di Polis.
Banda di e balor agrega cu privatisacion lo trece pa Scol di Polis y e organisacion di Cuerpo Policial, ta importante pa inverti awor den Scol di Polis. Como organisacion respeta no por ta asina cu tin un bus di “Mobiele Eenheid” ta wanta e heki di e cura na Scol di Polis pa e no cay.
PLAN PA INNOVA SCOL DI POLIS
Ta na november 2017 cu for di Parlamento, Minister di Husticia a ricibi e plan cu Cuerpo Policial a traha pa mehora, inova y inverti den Scol di Polis. Ta importante pa nos wak, despues di un aña y mey, con leu ta pa ehecuta e plan aki.
PA CONCLUI
E balor agrega lo ta pa e producto final cu Cuerpo Policial ta brinda su clientenan. Na mes momento Scol di Polis lo transforma den un instituto cu lo genera fondo pa pais Aruba.
E siman aki preguntanan por escrito lo bay pa Minister di Husticia, pa mira con leu e ta pa ehecuta e plan presenta na dje na November 2017.
