Manera cu a bira un custumber caba riba Dia di Betico, Forsa Femenino Grace y partido MEP a celebra e tradicional Koffiemorgen na Sede di MEP. Tabata un mainta y merdia sumamente bunita y exitoso caminda hopi persona a acudi pa celebra hunto cu Minister President, otro ministernan, parlamentarionan, presidente, candidatonan y tambe otro baluarte y militantenan di MEP e dia special aki. E sentimento di aprecio y gratitud pa nos gran Libertador a keda demostra un biaha mas y su gran logro di Status Aparte ta keda bibo den curason di henter Aruba. Un danki ta bay specialmente na tur e damanan di Forsa Femenino Grace cu tur aña ta organisa e tremendo Koffiemorgen cu hopi amor y cariño.
